top of page
  • HKCAMP

一件Gear的誕生|軍事型格露營枱!

一直以來,小編都非常鍾愛原創品牌。皆因原創作品每件都有著故事,每件都帶有創作者嘅心思。 最近小編就發現一個超級型格嘅露營箱,去露營可以儲物時又可做枱。 原來呢張百變露營台係屬於一個澳門品牌Dawning Fire Outdoor設計師Rex嘅作品,有好野小編當然要同大家開心Share露營好物。


小編好高興可以聯絡到Rex, 而且仲同佢傾咗好多設計背後嘅故事. 大家一齊黎睇睇~ 預訂可到Gear Gallery



 

創造出嚟嘅並非產品,而係一件作品!變化多端嘅創作背後


呢張極具風格嘅露營枱Storage Dog就係Rex嘅作品。單睇外形就已經無得輸, 鍾意軍事風嘅朋友一定唔可以錯過啦!


創作就係不斷嘗試,從嘗試中發掘新元素。原來Rex當初想用現成產品去改裝成為另一款有趣而實用嘅露營產品。為咗提升作品嘅耐用性,Rex專登搵咗軍用嘅子彈箱。 雖然係有啲重量,但就非常實淨, 只需要加上改裝配件就可以使用。



好似加上槍械導軌令成個作品更playful,旁邊再加裝戰術紅外線電筒。Rex更無意中發現箱嘅蓋係可以拆除,加上木板之後就成為一張非常實用嘅平枱,可以比用家放唔同嘅露營物品。


為咗令作品平衡更理想,箱側加裝咗四款戰術腳架黎支撐,可以因應凹凸不平嘅地形而調節高低。經過多次改良,最後就設計咗呢一款結合露營概念嘅Storage Dog啦,用家可以快速打開箱子以及快速收起,露營癮起隨時拿起箱子立即出動!



 

從影視製作到創作戶外裝備,疫情成轉捩點!


雖然從事忙碌嘅影視制作多年,但Rex一直對產品設計非常有興趣。疫情之下,Rex慢慢愛上露營活動,希望設計出市場上從未見過嘅產品。創作初期,產品都以自用及玩樂性質為主,好似單車摺疊木板、露營狗仔箱。本來未有打算推出市場,但放上社交媒體平台後收到唔少好評,呢啲都係令Rex發展落去嘅動力。


 


創作帶嚟嘅喜悅及難忘事!


係創作過程中,Rex將屋企所有啱洗嘅露營產品全部拆件,就好似拼模型一樣,慢慢就造咗Storage Dog 。而且係街上拍攝時,仲引黎途人圍觀,以為係機械狗周圍走,大家都覺得好得意。


拆件容易、組裝難。Storage Dog 每隻都係人手組裝,師傅打孔噴啞面漆,成個過程就需要幾個鐘先完成,時間成本相當大。之後產品需要大批量生產,另一個難度就係品質控制。




 

一切都因為鍾意露營?最想黎香港露兩手!


Rex本身好鍾意露營,不過澳門暫時未有正式合法嘅露營埸,所以只能夠去到比較近澳門嘅橫琴。 平時佢都有留意香港露營場地,覺得配套設施都好吸引,最想可以黎香港同朋友一齊露兩手,互相交流,係創作上有多啲靈感。



 


與其他單位合作,設計更多新戶外露營用品!


創作又點可以停?Rex黎緊仲會同台灣露營產品設計師聯名合作, 推出Storage Dog 周邊擴展板,實用性更強,仲會創作桌板嘅小遊戲產品,希望營友係露營嘅時候,可以更playful!


 

睇完係咪心郁郁想擁有返個呢?Rex嘅Storage Dog相當受歡迎,依家HKCAMP嘅會員有福啦,可以優先預訂。如果想帶佢返屋企,可以直接聯絡小編講『我要訂Storage Dog』,我哋會再聯絡大家呀!


仲等?製作需時,所以貨量非常有限,想要就行動啦!


 

約定大家, 我哋營地相遇!


**以上圖片及資料來源: HKCAMP


**以後關於露營圖片及分享,記得打Hash Tag(#HKHKCAMP


相關資訊:

露營原來可以穿這樣? 本地原創至「營」品牌專訪~讓你的山系衣著從此不一樣~

在露營路上, 尋找相同理念, 讓本土露營文化得以宣揚~本地原創品牌專訪~UNIO

PEEP x VINDAY最熱本地Camping Tee

將生活態度,藝術美學融入天然食材當中!本地原創手工麵包品牌MOUSA•ΜΟΥΣΑ 專訪

bottom of page