世界各地旅露營文化 - 台灣篇

已更新:4月7日

近呢一兩年因為疫情嘅關係,大家都去唔到旅行,露營就變得越嚟越興起。不過露營其實都唔係新鮮事,小編係谷內都曾經見過唔少谷友分享兒時露營嘅樂趣。但係點解香港露營事業好似唔及鄰近嘅東南亞國家咁盛行? 好似日本、台灣、泰國等地區,露營經已係一個非常成熟嘅行業。當地除咗親自動手紮營嘅露營外,豪華露營都已經做到好發達。


雖然暫時唔能夠飛住, 但都可以睇睇其他地區嘅露營資訊呀。 等到可以飛個時, 就可以衝出香港, 露到這世界邊端啦!


新系列就同大家分享下唔同地區嘅露營熱點,今集就先講講同香港比較近嘅台灣啦!


 

其實上網一search,唔難搵到台灣嘅露營熱點。 當中不乏仙景森林等秘點。 小編結集幾個個人認為必去嘅露營景點, 睇睇大家又鐘唔鐘意啦!


營地:新竹遇見嵨繞

地址:新竹縣尖石鄉9號

電話:0905-190-895


小編特別鐘情山谷,好似卡通片「飄零燕」入邊嘅山谷就最有感覺。遇見嵨繞就正正係呢一種感覺。


遇見嵨繞被群山環繞,園區內分為自由紮營區,小木屋營區,販賣部及觀景區。園區係園主及家人一手一腳親自搭建,所以到訪遇見嵨繞除咗可以欣賞美麗景色之外,仲可以感受濃濃嘅人情味。


營區分自由紮營及小木屋兩種。 自由紮營營區屬於雙層梯田式露營區,基本上每一處紮營位置都係VIP觀景台。日頭可以見到層次交疊嘅山嵐景色,中午過後,霧氣升級,就好似置身層層雲海之中一樣,有時落完雨,仲會出現彩虹。因為係山谷之內, 光害極少,所以入夜之後,仲可以欣賞嘅星海。



而小木屋營區係遇見嵨繞內唯一一幢小木屋。內部提供床墊,屬於免紮露營模式。其他營地設施仲有以柴燒方式供應熱水嘅衛浴間,飲料、零食雜貨舖等等。 有機會真係值得黎一黎。


圖片及資料來源: Walkerland

 

營地:苗栗青山嶴

地址:苗栗縣南庄鄉東河村石壁22號

電話:03-7821510


如果喜歡森林感覺嘅朋友,一定要黎位於苗栗南庄嘅青山嶴。園區結集咗露營區,民宿及咖啡店。 營區分為杉木區、楓木區及櫻花區。一年四季,隨住季節轉變, 就有獨一無二嘅景色。





除咗可以感受被群樹包圍嘅感覺之外,其中一個賣點, 就係森林內有咖啡木屋。大家可以係大自然環抱下嘆嘆咖啡。



如果唔想露營,仲可以兩手Fing Fing入住園區內嘅民宿,夠哂寫意。


圖片及資料來源: 美力媽帶著孩子去旅行

 

營地:苗栗上雲端露營區

地址:苗栗縣頭屋鄉苗16鄉道

電話:0932-050-336



要講到最想去嘅露營區,一定要數苗栗上雲端露營區。露營區分別有兩個區域,醉石草地區及草地區。營地設於水明德水庫上, 所以可以欣賞到唔同季節嘅景色。好似柳丁,桐花, 薰衣草等。




鐘意賞花嘅營友一定唔可以錯過, 仲可以影多幾張靚相呀。


園區內設施齊備, 設有小賣部售賣當地盛產,仲有觀景餐廳,可以邊食邊欣賞靚景,真係爽。




圖片及資料來源: 苗栗上雲端露營區


聽聞台灣將會放寬入境規定,如果真係成事嘅話,唔知大家又會唔會露出香港,衝出亞洲呢?


 

無論係咪香港營地, 只要大家有好嘅營地想分享, 都歡迎聯絡我地。


約定大家, 我哋營地相遇啦!




相片及資料來源: Walkerland / 美力媽帶著孩子去旅行 / 苗栗上雲端露營區

以後關於露營圖片及分享,記得打Hash Tag(#HKHKCAMP