• HKCAMP

備受熱奉嘅露營品牌SOTO又有新玩意!全新折疊式麵包機!你擁有咗未?

已更新:3月26日

SOTO - 相信大家對呢個牌子並唔陌生。 最近小編見到佢又出新玩意。 SOTO 可折疊手柄嘅“Minimal Hot Sandwich Maker ST-952”,唔知又係咪大家杯茶?


 

“Minimal Hot Sandwich Maker ST-952”係SOTO 2022年新產品,同時都係品牌首個可折疊手柄嘅三文治機,係大家期待目光下發佈, 到底呢個新產品有幾把炮呢?



講到明「Minimal」,當然體積係嬌小玲瓏啦!加上手柄係可以折疊嘅, 令佢成為尺寸最袖珍嘅三文治麵包機,帶去露營,輕巧便攜, 真係無得輸。



三文治機結構穩定,主體外層凹凸設計精細,加上手柄部份有鉤,可以穩定三文治機係燃燒緊嘅三腳架上,避免滑落。 整個產品用鋁壓鑄, 氟樹脂加工,所以可以減少內層粘連情況。



手柄及主體可以輕易拆卸, 除咗方便清洗外,如果只用一邊可以當成煎Pan,所以帶咗佢出去露營,就等於帶咗兩個工具出門, 一物二用。



日本職人做事一向諗多一層。 可折疊式設計嘅三文治機都唔例外。手柄向主體折疊嘅形狀,係完全可以安全緊湊咁存放,而且產品附送一個儲物袋,放入儲物袋就可以起行, 真貼心!



不過因為手柄可折疊嘅關係,手柄位置折除螺絲後,尖端位置會好鋒利,建議小朋友要係大人陪同下先好用啦。


SOTO “Minimal Hot Sandwich Maker ST-952”

使用尺寸: 寬 13.6cm x 深 33.9cm x 高 3.9cm

收納尺寸: 寬 13.6cm x 深 19.2cm x 高 5.3cm

重量: 約630g

材質: 主體板:鋁壓鑄,氟樹脂塗層;手柄:不銹鋼,矽橡膠

配件: 收納袋


想帶佢返屋企嘅朋友可以按此了解,4月下旬就有啦。


 

約定大家,我哋營地相遇!




*相片及資料來源: SOTO


**以後關於露營圖片及分享,記得打Hash Tag(#HKHKCAMP