• HKCAMP

露營的同時,顧及環境保護~保持讓人喜愛的露營態度~

最近係谷內熱話,有谷友行出黎承認自己首次露營時犯下嘅過失同道歉,呢位谷友敢做敢認嘅行為,令其他谷友都表示欣賞。無錯,知錯能改,就係最好嘅表現!相信大家會原諒佢,進入露營季節有不少新手會一嘗露營感覺,身為新手先要了解露營時可做及不可做嘅事情,有須要可以問問谷內的朋友,大家都會好樂意解答,打做一個更好嘅文化。


保護環境嘅重要性,你同我都知道,大家享受到美好嘅露營時光,都係因為地球比我哋嘅資源同環境,所以我哋更加要愛護同珍惜呢個地方。


作為喜歡露營或戶外活動嘅我哋,都可以身體力行。


從平時出去露營開始,先做好自己, 再推己及人。好似將垃圾分類好處理、自己垃圾自己帶走、如果要生火煮食,可以使用唔會釋放破壞地球物質嘅環保炭、唔好燒地、係營地上使用防火台、使用可以循環再用嘅餐具,、減少使用塑膠製品等等⋯⋯只要簡單幾步,就可以出一分力。


香港有不少義工團體會去郊野公國清圾垃,值得支持,而其他國家,當地團體更設定期進行淨地,淨山等環保工作。而作為負責任嘅香港露友,係需要有屬於香港人嘅露營文化,良好嘅露營文化係要從良好嘅露營態度開始。

上圖是香港佳能義工團體

上圖是日本當地的淨山環保計劃

 

帶出愛惜營地,做好垃圾分類嘅小訊息


係上次谷友活動《開季啦!HKCAMP秋季露營祭典2021》中 (活動重溫, 請按此) ,我哋都希望帶出愛惜營地,做好垃圾分類嘅小訊息比大家。特別要求營地多送上幾個垃圾桶,等參加谷友可以做好垃圾分類,方便有用嘅垃圾可以回收再造成環保物料。

而令小編感動嘅係,谷友們嘅環保意識都好強,連小谷友都非常乖巧配合垃圾分類。希望日後更多露營活動都可實行,更多露營場地及熱點都可以配合推動,將呢個小小舉動養成習慣,支待環保,愛護地球。


不如就從今日開始,行多一點點,做多一點點。保持讓人喜愛嘅露營態度~

 

約定大家, 我地營地相遇到



**以上圖片及資料來源: HKCAMP香港人露營分享谷 / BEPAL /香港佳能


**以後關於露營圖片及分享,記得打Hash Tag(#HKHKCAMP