• HKCAMP

夏日炎炎,唔好眠! 一齊嚟下水禮,潮玩踏浪艇!

HKCAMP早前推出露營加踏浪艇活動, 收到谷友海量查詢。今日我哋就嚟到香港踏浪艇協會,同大家感受一下踏浪艇有幾好玩啦! Gogogo!


眼前色彩繽紛嘅就係今次主角踏浪艇啦,絕對要推介一吓呢個較少人識嘅水上活動,今個夏天一齊潮玩踏浪艇。


 

香港踏浪艇協會


踏浪艇早係之前已經由香港踏浪艇協會引入,係一項6-80歲都啱玩嘅水上活動。無須經驗, 坐上艇幾分鐘就已經識玩, 啱哂一家大細。




容易上手 簡單操作就能享受海上踏浪樂趣


踏浪艇外型同獨木舟好相似, 不過操作上比獨木舟簡單,一人一艇或兩人一艇都得。而且唔需要太多體力就可以輕易掌握。踏浪艇速度快, 鍾意刺激感嘅朋友一定要試。艇身有操控桿控制方向, 非常容易上手。 大人細路都啱玩!


 

場地180度海景加紅樹林區 似曾相識?


心水清嘅谷友一定會留意到香港踏浪艇協會同HKCAMP早前一篇私人營地介紹 - Happy Camping非常相似,其實香港踏浪艇協會會址就係Happy Camping。係度除咗可以享受全年開放嘅海景露營區,踏浪艇外,場地今季仲加入滑翔傘地面體驗班及風翼水翼體驗班。夏日炎炎,吹住海風玩返日,真心爽!


 

場地坐擁超開揚海景 地方寬敞 設施一應俱全


有去過Happy Camp露營嘅朋友一定會比佢嘅全海景吸引。對住呢片海,真係Chill級爽!


場地提供超過100個泊車位,揸車入黎玩唔怕搵唔到位啦。 仲有八格冷熱水淋浴間提供比大家沖身。 又有儲物空間比參加者使用,全部免費,真係相當貼心。玩到攰攰地, 仲可以享受埋場地嘅燒烤優惠。如果有時間, 去埋隔離有機農莊, 即滴即嘆時令有機蔬菜, 真係好滿足呀!



 

收費透明 一個價錢包埋海上協助服務 安全又放心


玩得水上活動,安全最緊要。場地非常著重參加者嘅安全,落水前,會安排專業教練為大家講解踏浪艇操作及注意事項,仲有提供合規格安全衣。著好裝備就可以開始啦!

場地更設有安全船,為大家提供即時海上協助,有咩問題, 一個電話就有工作人員好似天使咁出現係大家眼前! 好多時玩水上活動都需要逐樣收費,例如需要另加保險,但場地幫大家買埋保險,一個價錢, 就可以玩踏浪艇同時享有以上服務,收費透明, 無隱藏式收費,大家黎玩都開心又放心!



 

玩完踏浪腳未夠喉?上山下海 一次過滿足哂一家人嘅願望


落水踏約半個鐘, 就會到達三門仔魚排。係呢度大家可以搵到各式各樣嘅海產,鐘意海鮮嘅朋友唔好錯過啦!


場地位於船灣海,由於三面環山,所以海面風浪比較平靜及安全。場地主理人推介大家可以踏到羊洲海龜島環繞一周,再去馬屎洲特別地區感受生物多樣性,連島沙洲玩埋生態地質遊。如果吾想踏太遠, 係海上望返上岸, 欣賞八仙嶺群峰,慈山寺觀音像,探索紅樹林隧道及人造沙灘龍尾灘都一樣正!



 

活動小百科: 踏浪艇小智識!!

有人話踏浪艇同獨木舟係兩兄弟! 雖然佢地外型好相似,但兩者之間係有好大分別㗎. 踏浪艇內部設備比獨木舟完善好多,所以單係成本, 已經係獨木舟嘅三四倍。


內部結構都好大分別!踏浪艇底有個十字型大洞, 用黎擺放腳踏推動器。 當艇到深水位就可以放入腳踏推動器前進, 腳踏推進器由美國設計, 推動原理係將腳動力前後移動,轉化為水底下推進葉左右搖擺, 繼而產生向前嘅動力。所以唔需要好用力,都可以有速度感! 而且仲極易上手。




 

今個夏天仲等? 一齊黎踏浪飄移啦!

係咪心郁郁, 好想即刻試吓踏浪艇有幾好玩呢?今個夏天,唔好悶係屋企, 一齊黎感受一下踏浪艇嘅速度,踏浪飄移無難度!



香港踏浪艇協會

地址:大尾督汀角(Google Map請按此

FB: https://m.facebook.com/hkppka

Whatsapp查詢請按此 (無需入會, 只要Whatapps預約就可以, 超方便呀)


 

約定大家,我哋營地相遇啦!




*相片及資料來源: HKCAMP、香港踏浪艇協會


**以後關於露營圖片及分享,記得打Hash Tag(#HKHKCAMP