2021回顧事件簿 | HKCAMP第3炮谷友活動《AMAZING CHRISTMAS CAMP 2021》

係過去嘅2021年, HKCAMP好開心有大家谷友嘅支持, 舉辦咗唔同類型谷友活動. 就係平安夜及聖誕節, 我哋就連同HKABT合辦咗第一個聖誕活動《AMAZING CHRISTMAS CAMP 2021》


要同大家講句唔好意思啦, 因為小編實在太忙, 活動圓滿結束已經一個多月, 趁住農曆新年就同大家一齊回顧下當日活動情況啦! 小編再次多謝大家支持, 兩日一夜嘅活動, 同大家一齊渡過真係超有意思, 超窩心呀!


《AMAZING CHRISTMAS CAMP 2021》活動主題係紅色聖誕, 除此之外, 仲玩埋野外烤雞, 歷奇活動體驗, 即烘日本咖啡豆等等, 真係好吸引!




 

首個以紅葉為主題嘅紅色聖誕 每年12月至1月, 都係屬於紅葉嘅季節. HKCAMP首個聖誕活動, 當然要帶大家睇睇滿山通紅嘅美景啦. 今次好榮幸請到HKABT香港歷奇嘅專業教練, 陪同大家黎一個紅葉導賞, 除咗幫大家影下靚相, 開心Share外, 沿途仲同大家講解, 睇下參加谷友聽得幾投入!



 

參加谷友落力炮製棉花糖及爆谷 分外香甜


谷友扎好營帳之後, 活動正式開始啦~


今次AMAZING CHRISTMAS CAMP其中一個亮點係, 教授大家利用鎂捧野外生火, 炮製棉花糖及爆谷. 唔講唔知, 用鎂棒生火好講技巧, 真係一啲都唔容易! 大家非常落力, 小編都有同大家一齊玩. 原來自己成功生火, 再烤焙出黎嘅爆谷棉花糖係特別甜架, 真係好有滿足感!



 

平安夜野外烤雞 大成功


當晚除咗BBQ之外, 教練仲教大家用一個紙箱, 兩隻叉, 兩張錫紙及少量炭, 烤出Juicy聖誕雞. 小編都係第一次整. 烤出黎嘅聖誕雞真係好多汁, 好嫩滑呀, 超級大成功! 大家好投入, 互相幫忙交流, 每次見到大家甘投入, 都會特別滾動!






 

初試日本即焙咖啡豆


聖誕當日早上, 我哋專程為大家準備咗早餐及日本即焙咖啡豆. 日本即焙咖啡豆10月先係日本正式開賣, 香港仲未有架. 不過當日焙豆時間唔夠耐, 所以只焙到金黃色. 而其他營友都成功. 可以同大家一齊試新嘢, 再互相分享, 就係露營嘅真諦!



 

專業教練指導 初試戶外沿繩下降及攀石體驗 食飽飽, 當然要郁一郁! 今次活動重點之一, 就係歷奇教練指導大家大玩戶外歷奇活動!


向前踏出第一步, 挑戰自己. 參加者都非常踴躍. 當中, 最細嘅妹妹真係非常勇敢, 二話不說就完成沿繩下降. 大家當日都玩得好投入, 每當參加者完成項目, 大家都會拍手支持. 呢種分享精神, 就係HKCAMP一直想帶出嘅意念; 分享新奇, 感受歷奇~






 

全賴大家 活動大圓滿 體驗完歷奇活動, 《AMAZING CHRISTMAS CAMP 2021》到尾聲啦, 大家都準備收拾營帳. 每次活動同大家影大合照, 都令小編感覺好似同朋友仔一齊去玩一樣, 希望可以快快再一齊同大家玩, 露一露~


 

再一次多謝大家踴躍參與! 約定大家, 2022我哋營地相遇啦!


**以上圖片及資料來源: HKCAMP香港人露營分享谷


**以後關於露營圖片及分享,記得打Hash Tag(#HKHKCAMP


相關資訊:

HKCAMP香港人露營分享谷~《開季啦!HKCAMP秋季露營祭典2021》活動回顧~