• HKCAMP

普及露營不是夢! 專訪香港本地營具租借品牌TentOneTent~

已更新:2021年9月27日

對於好多人黎講, 要買一個營帳係一件極容易嘅事. 但對於露營新手, 或者有經濟壓力嘅人黎講, 要買一個營帳, 就要思前想後, 更加唔好講要買齊成套裝備啦.


機緣巧合下, 小編接觸到一個好有熱誠嘅香港品牌, TentOneTent. 創辦人都係一個露營愛好者, 佢知道社會上有好多基層人士都好想去露營, 但礙於買營具嘅費用對佢地黎講實在係一個壓力, 所以就有一個理念, 希望透過租借營具, 等大家可以用一個相宜嘅價錢享受露營嘅樂趣, 令露營普及化.


甘有意義嘅事, HKCAMP當然要同佢地做一個專訪, 比大家認識一下佢地嘅故事啦~

 

H: HKCAMP

T: TentOneTent


對露營充滿熱誠, 希望人人都可以享受到露營樂趣?

H: TentOneTent理念係想將露營普及化, 當初點解會有呢個想法呢?


T: 我本身對於露營用品需求好大, 但因為屋企地方同金錢有限, 唔可以買甘多裝備. 社會上都有好多人同我情況一樣, 所以就有呢個想法. 之前有個客人, 好想同屋企人去露營過Family Day, 但要買一套裝備, 最少都要二, 三千, 但我地租一套裝備只需要幾百, 所以希望透過租借營具, 幫助社會上想露營但又負擔唔到買裝備嘅人.


凡事起頭難! 有理想要實行, 每每都會遇到唔少困難!

H: 當初開設裝備租用店, 有無遇過困難呢?


T: 初時開始營運都好辛苦. 因為我本身朝早有正職. 晚上放工做交收, 清理歸嘅營具, 工作量好大. 最高峰試過一個人拎住四袋裝備去地鐵站交收. 而且交通都係一個大問題. 直到之後開左鋪頭, 先相對輕鬆.


露營普及化需要滿足不同人嘅需要. 除左照顧社會基層, 都要照顧較高端嘅用家.

H: 你哋網站有好多唔同種類嘅套裝, 當初係點樣區分套裝類別呢? 係咪有唔同意思?


T: 露營其實都分左唔同種類. 有重裝, 輕裝, 又有豪華同不同風格組合. 初時我哋貨唔多, 都唔可以分得好細. 之後裝備多左, 因應客人需要而加咁唔同組合. 裝備組合分唔同品牌, 唔同功能, 客人可以按自己需要選擇.

 

H: 你哋依家用唔同顏色去分唔同級別.,之後會唔會有更多組合可以比營友選擇呢?


T: 會呀. 會推出更多組合. 好似有客人鍾意玩重裝, 日本風格. 有客人會鍾意玩火, 所以營具會由耐火物料製成. 其實主要睇返客人鍾意玩咩風格, 再組合唔同選擇.

 

H: 咁多組合中, 有咩組合係特別受歡迎呢?


T: 如果講日本露營風格, 比較受歡迎會係DOD. 好多女仔都鍾意租DOD, 可以影下相打卡. 如果係大家庭, 對外觀唔太講究, 都會選擇空間感大嘅營帳. 例如一個四人家庭, 需要放露營物品外, 仲要好足夠空間感. 如果係團體客, 會比較著重實用同功能性. 所以我地嘅組合都係可以應付不同客人需要.

 

以優惠價錢租借營具, 讓更多人可以接觸到露營, 從而變得更普及


H: 你之前提及同NGO (非牟利團體)合作, 令露營普及化. 甘你哋有無試過合辦活動, 可以同大家分享一下?


T: 我本身係童軍加青年獎勵計劃得獎者, 我想回饋一直培訓我嘅機構同埋團體. 以前係童軍, 營具物資好有限, 如果要買新就更加困難. 我希望可以用平價錢租比機構同團體, 令佢哋嘅營具更充足. NGO搞嘅活動有機會參加人數會超出預定數量. 如果要加位, 批撥款加設營具都要一段時間, 我哋可以好快幫佢地應付到營具嘅需求. 我哋仲會幫童軍做營具修復. 我哋好少會合辦活動, 但有唔同NGO會搵我地幫手.


H: 你覺得自己算唔算露營發燒友, 有咩露營趣事可以同谷友分享下呢?


T: 我以前玩露營係最原始嘅鐵骨, 帆布. 從玩露營到開埋鋪頭, 我都覺得自己係好鍾意露營. 可以分享一件趣事. 之前同朋友一齊露營, 朋友將件衫掛左係營外, 比隻牛吞左落肚. 所以都提醒大家要帶多件衫去露營.


H: 你露營甘多年, 有咩建議, 產品推介比露營新手呢?


T: 我比較鍾意露營玩柴火, 但要提醒露營新手要保護環境, 帶一個較輕嘅防火台去露營. 其實市面上都有好多牌子營具可以選擇, 但我建議新手可以先租一套用品, 試過鍾意先買. 好似帳篷, 每次去玩人數或者環境都唔同, 建議租會比較好. 但比較個人嘅用品, 好似睡袋, 就建議買較租適合. 建議大家以環保為前題.

 

原來租借營具背後包含甘有意義嘅理念. 大家下次買營具嘅時候, 都可以先了解一下自己需要, "聽一聽"TentOneTent嘅建議, 先租後買. 甘就可以減少浪費, 更加環保.


依家TentOneTent特別為我哋HKCAMP會員提供租借營具優惠, 只要係HKCAMP會員, 可以優先係TentOneTent租借或訂購營具. 自動成為銅星級會員, 消費滿指定金額可有95折優惠及5%現金回贈. 第一次光顧仲有露營小禮包送. 心動不如行動啦, 帶齊營具~


約定大家, 我地營地相遇~


**相片及資料來源: TentOneTent


**以後關於露營圖片及分享,記得打Hash Tag(#HKHKCAMP


##HKHKCAMP #香港人露營分享谷 #香港人露營分享谷專頁

#營具租借 #TentOneTent