• HKCAMP

營人潮物 | 露營茶道 ?Snow Peak 聯乘好物~密切期待!

好多時見谷友去露營嘅時候,都會飲吓靚酒,嘆吓咖啡。唔知大家有冇諗過,除咗以上兩樣,仲可以嘆返杯靚茶,感受一下大自然天人合一嘅感覺呢!


飲得靚茶當然要返一套靚茶具啦。Snow Peak x Nakagawa Masashichi Shten x Tea Theory 三重合作出嘅超靚茶具露營用組合,將會係今年4月6日正式發售啦。其實早喺2020年嘅時候,已推出第一彈,一推出已經被瘋搶。相信4月6日推出第二彈又有一輪瘋搶潮。一眾Snow Peak Fans如果想買就要留意啦!


 

Nodate套裝一套8件,由棉帆布包裹住,口繩保留咗傳統設計,用咗絲編,淨係個外型都已經超級靚。而且易於存放,仲超輕巧,非常適合帶去露營及野餐使用。即使唔識日本茶道,都可以輕鬆享受下啦。



 

今次全新第二彈套裝,更新咗茶碗、茶具材質及規格,所以無論外觀抑或功能上都更加正。


套裝重點係茶碗,用上輕巧耐用鈦金屬鑄造,雙層結構,所以超高保溫性,即使戶外使用都可以保持茶溫。用黎舀抹茶以及泡茶嘅chasten 及chashaku,專程由奈良工匠特別訂製,所以大細fit哂茶碗,可以放係碗中, 方便攜帶。其他工具,更用上胡桃木,野櫻花及楓木打造。



 

製作單位明白唔係人人都認識茶道。所以佢哋喺4月都會同時推出網上視頻,詳細介紹泡茶及套裝用法,所以即使大家冇茶道經驗,都可以輕易泡出一杯靚茶,係露營時一展身手啦!



Snow Peak x Nakagawa Masashichi Shten x Tea Theory Nodate 套裝

套裝包括:蓋子,碗,chashaku/chasen,chasen管,茶碗,糕點盤,茶,書籤

材料:蓋子(棉),碗(鈦),chashaku/chasen(竹),chasen管(核桃),茶碗(山櫻花),糕點盤(楓木),茶,書籤

發布日期:2020年4月6日(星期三)



係咪好正啦? 鍾意嘅朋友就記得密切留意報道,公佈發售詳情啦!

 

約定大家,我哋營地相遇。




相片及資料來源: 中川政七商店株式會社

**以後關於露營圖片及分享,記得打Hash Tag(#HKHKCAMP