• Miko

當初乜都唔識去露營奇遇記

已更新:2021年12月23日

5個女仔第一次露營!當時乜都唔識,但又想試所以我哋就決定好倒數前夕12月31號上大帽山露營Chill下,就係咁開始咗第一次旅程~


首先我講吓我哋乜都唔識咁準備嘅嘢,始終係第一次所以我哋好驚冇水源,買咗兩大枝人哋mini水機用嘅水托上山,然後我哋仲一早訂定咗一人一鍋,上到山可以一齊溫馨打邊爐,然後再帶咗自己嘅行裝,同埋我哋問朋友借咗兩個帳篷,無錯呢到所有嘢係我哋5個女仔自己托住慢慢行上山~


基於我哋都有基本起營知識,所以我哋無有怕!嗰日得10幾度,上到山仲凍啲又大風,所以起營嘅時候都有啲麻煩,但最後都成功安頓都已經入夜,我哋就開始準備一人一鍋,撇除重呢一點喺山上面打邊爐真係好正,凍冰冰但有個暖笠笠嘅邊爐,當晚好似得9,10


因為實在太凍之後一齊打邊爐,一路大家都好開心,點知突然有嘢撞到我哋個營,原來係野豬,可能太香引咗佢哋過嚟,但佢哋都無整到我哋。因為大家都驚,所以無相畀大家~不過都知佢哋無惡意加上嗰陣時附近都有其他人,大家都冇話好驚,因為佢哋繞場幾周就走咗 ,以你唔搞佢哋就無事嫁啦~我哋要學識同大自然相處啊 所以垃圾記得袋走,掉去垃圾桶!

呢個第一次經驗好有趣又好玩,所以都幾滿足!題外話當晚有個叔叔見到我哋全部女仔又好似乜都唔識,又驚我哋凍又無嘢食,最後佢反轉頭畀咗一大袋麵包我哋,真係太有愛啦!呢個倒數都好印象深刻! 最後大家記得愛護大自然~


分享者:Miko