• HKCAMP

真正60秒內組裝完成? The Cave, Black Cairo Camo充氣營帳令你體驗不一樣嘅露營樂趣~

踏入9月中旬, 相信好多營人已經急不及待出去露一露. 但當拎住全副武裝, 長途跋涉到達營地. 係烈日當空汗流浹背嘅情況下, 仲要慢慢從支撐桿, 營釘, 慢慢組裝營帳. 唸唸下, 係咪都令大家有啲卻步呢?


有無唸過可以叮一聲就搭到個營帳?


最近小編係網上見到, 來自德國戶外用品品牌HEIMPLANET推出一款超快速組裝嘅帳篷THE CAVE, BLACK CAIRO CAMO. 唔需要一分鐘, 就能夠輕輕鬆鬆開到營帳.

 

營帳係一體成形, 由十多個幾何點支撐. 利用充氣原理, 係一分鐘之內快速令支撐桿灌入空氣,架起營帳.

 

THE CAVE從外到內都用上Ripstop尼龍製成, 堅固而且非常耐髒. 外部尼龍物料防水, 而帳篷頂部邊角位置有通風口, 令內部通風唔侷促. 而且仲有大大小小收納袋可以放置零碎物品, 設計非常貼心.

 

另一個細心位, 就係可以放入電筒, 令到霧面尼龍布料滲透出柔和光線, 真係超級浪漫呀!


當收營個時, 只需要洩氣就能夠輕易拆卸營帳, 係咪超方便呢?

 

心動不如行動, 網上仲有短片介紹. 真係唔洗一分鐘就起到個營, 真心正~

 

約定你, 我地營地相遇~




**相片及資料來源: EVERYDAYOBJECT INHABITAT


**以後關於露營圖片及分享,記得打Hash Tag(#HKHKCAMP


#HKHKCAMP #香港人露營分享谷 #香港人露營分享谷專頁

#露營裝備 #營具 #露營潮物 #一體式營帳 #充氣營帳

#HEIMPLANET #THECAVEBLACKCAIROCAMO