• HKCAMP

Gramicci & Wild Things集功能與時尚街頭風於一身!街頭運動品牌~

已更新:9月25日

小編露營嘅時候最鐘意周圍同大家吹水,唔難發現原來好多營友都係潮人。除咗對裝備有要求外,對露營時嘅穿搭都非常講究。既要有功能,又要夠潮夠舒服!


一般運動品牌已經滿足唔到大家嘅要求,Gramicci 及Wild Things集功能與時尚街頭風於一身嘅戶外運動品牌就啱哂啦!兩個品牌都深受運動愛好者熱捧,到底有幾把炮?



 

Gramicci

攀岩工能服起家, 至今已成為日系潮流運動服飾

品牌於70年代初期已深受攀岩愛好者追棒。當時攀岩活動非常流行,被稱為Stonemasters嘅攀岩愛好者注重速度及風格,開創咗一種新嘅攀岩方式。新方式當然需要一套更完善嘅運動服配合啦。


新款運動服飾除咗有功能,更有睇頭。利用本身極富功能性嘅油漆工褲及軍隊剩餘裝備製作出第一款攀岩服飾,加入新設計元素嘅攀岩短褲至今依然備受著目。




 


創新設計 靈活性、功能性、顏值Level Up

講到創新設計,一定要數褲胯部嘅菱形襯料。Gramicci發現呢個設計可以達到 180 度靈活性,配合帆布超級耐磨質地及腰部嘅織帶,用家係運動時可以更自舒適。


有設計,有功能,有邊個唔Like?


自從Gramicci推出第一條攀岩短褲後,推出嘅長褲同樣熱賣。到 80 年代中期,衝浪及滑冰愛好者都非常熱愛呢款褲子。




 

憑著原有精神及創新思維成為東京熱摔品牌

Gramicci 係創新路上不忘保留原有精神,從第一條Gramicci 短褲開始至今,仍然一如以往般耐磨、實用及配合運動需要而設計。


經典設計一定係褲檔底部加上立體三角活動裁片「GUSSETED CROTCH」,可以增加活動空間之餘,特殊三角拼接剪裁更加令整體褲型結構更加立體,分散攀岩時褲管拉扯壓力,令穿著者更舒適。


另一個經典就係印有“Running Man”標誌嘅腰帶「WEBBING BELT」。Gramicci一直以來設計概念始終如一,難怪會成為東京街頭熱捧品牌啦!




 

Wild Things

登山嚮導後代與登山者創立的品牌

Wild Things創立人係一對同登山非常有淵源嘅夫妻。總部位於North Conway, New Hampshire,係優秀登山者活躍之地。佔盡地利優勢,造就品牌成為美國領先戶外品牌之一。



 

Light is Right

Wild Things 認為產品重量係產品嘅敵人,只有最輕嘅先係最正確嘅。品牌設計師Marie明白到優良登山裝備嘅重要性,憑住知識及經驗帶出「Light is Right」理念,而呢個理念從品牌創立至今都一直延續。


當中最具代表性嘅外套就係用咗PrimaLoft 物料黎達到防水及保溫功能。品牌設計師更成為第一位登上安第斯山脈 (Andes) 最高峰阿空加瓜峰 (Aconcagua)嘅女性。此舉唔單止得到歷史上成就,更展示到品牌登山裝備嘅高功能性。


 

奠定地位成為廣為人知嘅品牌

Wild Things除咗得到登山者及戶外運動愛好者嘅高度評價外,品牌更被認證為極地地區美軍專用分層系統 ECWCS嘅供應商。自此戰術軍裝 (tactical military gear) 就成為Wild Things嘅代名詞。


 


好葡萄?

兩個品牌原來大有來頭! 而且Gramicci及Wild Things已經登陸香港啦! 鍾意露營及戶外活動嘅朋友,千奇唔好錯過! 靜雞雞話比大家知,小編係it見到佢地踨影啦! 有興趣朋友不妨睇睇,一齊著出屬於自己嘅Sport Fashion!


約定大家,我地營地相遇!




相片及資料來源:Gramicci / Wild Things


**以後關於露營圖片及分享,記得打Hash Tag(#HKHKCAMP