• HKCAMP

露營原來可以穿這樣? 本地原創至「營」品牌專訪~讓你的山系衣著從此不一樣~

已更新:2021年8月30日

最近留意到, 好多時大家會將鍾意玩露營嘅朋友區分出兩大類. 一類係比較著重營具的功能性, 一類係比較著重營具嘅外型包裝. 但其實可吾可以將兩者合二為一呢?


HKCAMP小編係早前D2 Place露營市集認識到一個本地山系時裝品牌Yama Guest, 正正將兩者合二為一, 做到既富功能性又講究外型嘅露營行山服飾.


小編知道, 大家會認為同類型嘅訪問係品牌買嘅廣告, 但呢次專訪係絕無推銷成份, 絕非線稿, 絕對只係小編嘅真心分享.


記得當日一入市集會場, 小編一行兩個人就被Yama Guest攤位吸引. 第一個感覺係, 佢地嘅衣服用色令人好注目, 其次摸上手, 質地係非常透薄舒服, 而且小編聽到負責人細心向其他人講解嘅時候, 小編就好想約佢地做個專訪, 都好感謝Yama Guest嘅回覆, 最後就促成今次訪問啦.
 

原來負責人同Partner都係露營愛好耆, 細細個就已經好「營」. 所以佢地明白「營」人嘅需要. 加上負責人本身係一個背囊設計師, 想將背囊富功能性嘅元素mix & match入露營行山時裝入邊, 做出一件件既富時尚感又適合露營行山時穿著嘅功能服飾.

 

一次又一次露營嘅經驗令佢地更加明白露營時會遇到嘅不便. 好似褲袋設計, 平時露營都已經有好多功具小物, 如果係傳統褲袋, 走路個時就會因為褲袋放滿小物而不便, 而且都吾美觀. 所以Yama Guest係褲袋設計方面都花左吾少心思, 令到褲袋有充足位置擺放小物之外, 都吾會令露營行山人士不便, 而且仲可以keep住型, 吾會有累贅感.

 

拉鏈位置都做到方便露營行山人士排返沙石, 吾會積存係內袋之中. 褲嘅長度都一樣經過細心考慮, 做出不同褲長配合不同露營人士嘅需要.

 

上衣設計加入左營帳元素, 做到透風嘅功能, 小編覺得上衣加入營帳外型元素仲好有玩味感, 真係好「營」.

 

因為負責人都係用家, 十分明白一眾露營行山人士會選擇洋蔥式穿衣方法. 所以大部份Yama Guest嘅衣物都採用輕薄透氣物料. 有部份做到透光甘透薄, 而且特別之處用左背囊嘅防花耐磨物料, 令到上衣吾會因為擺放露營小物, 好似營釘整花.

 

整體風格想貫穿城市及大自然. 所以用色方面除左大地色系, 都大膽採用鮮艷配色, 好似鮮紫色, 黃色等. 用家無論係著住去郊外或者平時返工去街都可以配襯到. 完全配合到香港人下班上山, 下山上班嘅文化. 其實除左美觀之外, 因為用色夠鮮艷, 遇到危險嘅時候, 都起到求救作用.

 

從繪圖設計, 做紙樣, 車製初版, 到成功推出市場售賣. 整個過程都是經過負責人與Partner不停測試及改良所得. 每件產品背後都有一個特別的經歷同故事. 因為同樣都係用家, 佢地明白不同用家對露營服裝都有不同要求同需要. 要平衡美觀與及不同用家嘅要求需要, 係最令佢地覺得困難嘅事. 例如, 某一類客人會特別喜愛大褲袋設計, 可以擺放工作用品同時擺放營具, 但某一類客人就會鍾意小褲袋設計, 可以方便擺放小物. 經過無數次改良, 佢地終於取到平衡位, 設計出適合吾同客人需要嘅產品.

 

從來萬事起頭難, 雖然創作路上遇過不同問題, 但創立品牌都令佢地好難忘. 當有客人發覺佢地品牌, 欣賞佢地產品嘅時候, 都會覺得好驚訝同感動.


既係品牌設計師, 又係露營愛好者. 露營同時可以穿著自己嘅設計, 測試功能性, 可以講得上係工作與娛樂於一身. 佢鍾意chill, 輕鬆隨性嘅露營風格. 露營時, 剛好比到一個令佢chill, 放空嘅時候. 而且「營」友都會互相幫助, 互相分享, 個種熱情令佢最大感受.

 

雖然設計上會遇到問題, 什至有排山倒海嘅工作, 但負責人表示, 設計產品就係佢個人興趣. 佢仍然樂此不疲. 放假時候, 佢都會上山露營, 唸下方法改良產品, 希望做到盡善盡美.


近年都有不同品牌冒起. 對於新創品牌進入市場, 佢地都感到興奮及歡迎. 係大大小小以露營為主題嘅市集當中, 都有露營發燒友, 品牌設計師分享自己嘅產品, 大家互相融和帶動露營文化, 令更多人認識及接觸到露營呢項活動, 其實呢個都係我地HKCAMP成立嘅意念之一.

 

今次嘅專訪, 小編感受到Yama Guest對露營嘅鍾愛同對品牌設計嘅熱誠. 每件產品背後都有經歷同故事, 每件產品都係佢地嘅心血傑作.

有興趣了解更多嘅朋友, 可以上Yama Guest IG. 佢地都開左個街拍OOTD IG, 如果大家想分享自己嘅山系穿搭, 都可以上去了解一下呀.

Yama Guest IG

Yama Guest OOTD IG


每每我地善意嘅意見, 都會為佢地帶黎鼓舞同動力. 大家不防多多支持本地原創品牌.

HKCAMP都會不遺餘力, 希望帶動本土露營文化, 令更加多「營」友可以接觸到甘有誠意嘅本地品牌.


約定你, 我地營地相遇.




**相片及資料來源: HKCAMP / YAMA Guest


**以後關於露營圖片及分享,記得打Hash Tag(#HKHKCAMP


#HKHKCAMP #香港人露營分享谷 #香港人露營分享谷專頁

#YamaGuest #YamaGuestOOTD #山系衣著 #本土品牌 #至Chill