• HKCAMP

露營知多啲?RV係咩 Part II

上次同大家講到露營三大類型之一嘅Recreation Vehicle (RV) 露營車. 雖然露營車係香港暫時無得玩住, 露營拖車都未可以係路上行走. 但早係其他地區, 好似歐美, 日本, 台灣, 已經非常盛行. 今日就同大家講講外國RV到底係點玩法!


GoGoGo!

 

外國地方大, 所以露營除咗露營車之外, 露營拖車都非常盛行. 以下呢一款, 眼利嘅朋友一定認得出. 類似嘅款都曾經出現過係Blue Bottle露營主題活動, 屬於美國製復古露營拖車.

(Blue Bottle露營主題活動重溫, 請按此)


最為人熟識嘅一定係經典品牌Airstream. 提起佢又點會唔唸起佢嘅經典銀色外殼呢! 成部拖車外部線條簡潔, 採用不鏽鋼檔板, 擁有全景天窗及太陽檔板.



內部儲物空間都非常足夠. 放到一張標準雙人床之外, 廚房, 客廳都一應俱存, 而且裝潢都唔係Hea你!




 

懷舊拖車, 仲有Dub Box USA Dinky Dub. 大家見到個外形相信都唔會陌生. 小編就鍾意佢Cute Cute地, 非常可愛.



除咗外形夠哂吸睛之外, 內涵都一樣唔嘢少. 內部配備擴展廚房, 有睡房, 又有儲物空間. 如果一架唔夠用, 仲可以配備兩架拖車及外加太陽篷等.






 

拖車種類又點止甘少. High Camp Trailers 都係代表作之一. 拖車前半部份係睡房, 後半部份係五臟六腑嘅廚房. 廚房用上樺木抽屜, 不銹鋼爐具及雪櫃. 滿足哂一家人嘅需要.






 

體形較大嘅野營拖車仲有Homegrown Trailers. 呢類拖車內部巨寬敞, 有齊廚房, 睡房及洗手間不在話下, 仲有個20加侖嘅淡水箱及室內淋浴間. 帶住佢, 就好似帶住個流動小酒店一樣.






 

某種拖車什至可以用單車拖行. 當然size就會細少少, 但都一樣五臟俱全.



 

外國野營除咗熱門拖車之外, 露營發燒友都鍾意改裝自己嘅汽車. 例如係車頂裝上車頂營, 平時唔用可以收起, 打開可以成為寬敞睡房.


好處當然係可以隨自己鍾意嘅間隔改造車箱內部. 不過改造過程都需要留意當地政策要求呀. 甘就玩得開心又放心啦.






 

睇完甘多款外國Style嘅露營車, 大家對RV嘅概念係咪了解多咗呢, 唔知大家又會鍾意邊一款? 歡迎留言分享!


約定大家, 我地營地相遇~




**相片及資料來源: Google


**以後關於露營圖片及分享,記得打Hash Tag(#HKHKCAMP