• HKCAMP

露營美食家|原來年糕可以咁好食?

已更新:3月21日

唔知有無營友同小編一樣, 特別鐘意煙煙韌韌嘅小食呢?小編係煙韌美食控,平時唔去露營,都會係屋企用焗爐焗年糕,係年糕上加上味霸焗香,真係諗起都流哂口水呀!


今次係網上見到一個甜嘅食法, 鐘意煙韌嘢或者鐘意年糕嘅朋友, 下次露營都可以試下整啦。


 

大家只需要幾樣材料, 就可以烤到超煙韌嘅年糕。可以配搭唔同口味, 咸或甜都可以。


烤焗年糕

材料:

年糕3片 (小編用嘅年糕唔係平時炒年糕薄身個種, 係厚身啲,長方形有坑紋個種)

咸:味霸

甜:紅豆

工具:煎Pan


做法:

1. 先加入油, 預熱煎Pan, 再放入年糕。(如果想整咸, 可以先係年糕表面揸上味霸)。


2. 年糕一面烤幾分鐘,見到表面出現微微焦黃, 可以反轉烤另一邊。



3. 反轉年糕再烤幾分鐘, 當年糕升起膨漲, 就烤焗好啦。



4. 將年糕加入已煮熱嘅紅豆湯中, 大功告成。



依家依家無得「露」,所以小編都會整黎做宵夜。 而且做法真係超簡單易整,大家下次露營都不紡試試啦。


 

約定大家, 我地營地相遇~

*相片及資料來源: CampReview **以後關於露營圖片及分享,記得打Hash Tag(#HKHKCAMP