踏入最令人期待嘅12月, 除咗有普天同慶嘅聖誕節之外, 全年最壯觀嘅雙子座流星雨，亦將會係12月中旬登場!
據香港太空館提供嘅資料所示, 今年雙子座流星雨高峰期預計於12月14至15日期間出現. 今年嘅觀測條件預計係非常理想, 天清氣爽, 大家只需到遠離城市燈光污染, 視野開闊嘅地方, 即使用肉眼都有可能睇到壯觀嘅流星雨, 天頂每小時多達150粒!
圖片提供: 香港太空館
香港太空館預計最佳觀測時段為12月14日 晚上8:30 至12月15日 清晨6:00, 而最高峰將會係12月15日凌晨3:00. 距離最佳觀測時期仲有半個月時間, 小編搵到幾個觀星位置, 大家不妨計劃一下行程, 黎一趟浪漫摘星之旅!
圖片提供: 香港太空館
香港太空館建議到遠離市區地區觀星. 西貢大坳門、萬宜水庫、石澳鶴咀、大美督船灣淡水湖主壩等都係觀賞流星雨理想地點!
西貢大坳門
要數觀星地點, 西貢絕對係值得推介嘅好地方. 除咗大家都熟識嘅大坳門之外, 萬宜水庫西壩、西灣觀星台都係受歡迎嘅觀星地點.
大坳門設施較為完善, 駕車人士可以駕車前往, 附近設有停車場、洗手間、燒烤場、更有草地等設施. 大家帶備沙灘墊, 就可以Chill住訓係草地上觀星!
圖片提供: 漁護處
如果乘坐公共交通工具前往亦非常方便, 大家可以乘坐 91號巴士 (鑽石山荷李活廣場到清水灣) 或 103號小巴 (觀塘地鐵站到清水灣)、16號小巴 (寶琳地鐵站到布袋澳) , 係大坳門站落車後, 步行大約 10-20分鐘就可以到達.
萬宜水庫
西貢另一處觀星好地方就係萬宜水庫. 萬宜水庫大家可以選擇到西壩或東壩觀星, 交通方面建議大家可以係西貢市中心乘坐約15分鐘的士到達觀星地點.
萬宜水庫可以講係近乎零光害, 所以一直都深受追星朋友歡迎. 如果想睇雙子座流星雨, 建議大家需要早啲到場, 如果唔係就會無位啦!
圖片提供: 旅發局
石澳鶴咀
石澳鶴咀係香港最東南邊嘅海角, 地點位於香港島南區赤柱及石澳地區嘅南端. 大家可以係筲箕灣巴士總站乘搭 9號巴士到鶴咀道落車前往. 雖然交通唔算利便, 不過因為環境光害少, 近岸懸崖觀賞星空, 一望無際, 所以都係熱門觀星地點.
而且石澳鶴咀景點多, 有鶴咀燈塔及鶴咀海岸保護區, 置放於香港大學太古海洋科學研究所外嘅巨型魚骨標本都係必到打卡位.
圖片提供: 古物古蹟辦事處
大美督船灣淡水湖主壩
大美督船灣淡水湖主壩東及北面光害少, 所以都係觀星熱門地點之一.
大家除咗可以駕車前往之外, 都可以係大埔墟站乘坐的士, 小巴20C, 巴士75K前往. 係總站落車, 行經燒烤場, 經大美篤水上中心再行大約 8分鐘就可以到達主壩.
大美督船灣淡水湖係全港最長嘅水壩. 除咗晚上可以觀星, 日頭時間可以踐單車, 燒烤同行山. 大家可以到觀景台俯瞰垂直嘅水壩，風景優美怡人. 天氣好嘅話仲可以睇到對面岸嘅馬鞍山城市景色.
圖片提供: 旅發局
圖片提供: 漁護處
觀星禮儀你要知?!
講起一年一度嘅雙子座流星雨, 連小編都難掩興奮嘅心情. 不過去到郊外觀星都要守禮儀, 愛惜大自然不在詰下, 其次就係唔好打擾到其他觀星朋友, 咁先人見人愛!
到郊外觀賞流星, 最重要周圍環境要夠暗. 拍攝星象需要長時間曝光, 開閃光燈係無助拍攝嘅, 而且突如其來嘅閃光燈會搔擾到其他人, 令人唔舒服. 因此, 影相時記得唔好開閃光燈, 記得守禮呀!
如果觀星期間需要走動照明, 可以自備紅色光線電筒. 大家只需要用紅色玻璃紙、紅布或紅色膠袋覆蓋電筒就可以簡單自製出紅光電筒. 紅光無咁刺激眼睛, 都唔怕搔擾到其他觀星朋友.
不得不提切勿胡亂生火, 因為火焰光亮, 加上熱空氣會令星像搖擺不定, 影響觀賞天體表面細節. 而且生火容易造成危險及會危害郊野生態, 所以必須切記, 勿生火! 勿生火!
另外, 郊外天氣變化大, 所以必須要帶備足夠保暖衣物, 毛毯等. 其次都可帶備坐墊, 露營椅, 食物及食水, 以便不時之須.
圖片提供: 香港太空館
最後當然係保持寧靜, 唔好喧嘩嘈吵, 影響到周圍觀星朋友. 離開時一定要自己垃圾, 自己帶走. 觀星守禮, 咁就人人開心!
如果唔能夠親身到郊外觀賞流星, 都可以留意香港太空館資訊, 於12月14日香港太空館會有雙子座流星雨直播, 想觀摩一下壯觀嘅雙子座流星雨就唔好錯過啦!
直播連結: 香港太空館 雙子座流星雨直播
資料來源：香港太空館
** 以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
開季啦! 一文睇哂！2023香港私人露營場地總覽｜內付地圖比你慢慢睇~ 請按此!
露營想拍下開心回憶, 一部全方位又輕巧嘅相機一定要有!