top of page
  • HKCAMP

HKCAMP帶你去日本和歌山旅行露營・感受不一樣的旅行新玩法

HKCAMP露營露到去日本啦!第一站就係和歌山啦,今次有和歌山縣帶我哋去唔同嘅露營場,試下最新GLAMPING玩法,仲有唔同嘅戶外景點同最新嘅DIY體驗, 去日本去得多,試吓新玩法,享受Camping holiday~


HKCAMP好高興係11月中去咗日本玩足五日四夜。 感謝和歌山縣觀光局帶路,今次參觀咗好多Camping同Glamping場地,仲有唔少戶外新體驗,當然仲有好多和歌山觀光勝地!呢個旅程滿足哂露營、美食、觀光、Workshop同outdoor體驗5大元素,原來和歌山係咁多嘢玩,大家去大阪不妨抽返幾日去感受一吓,享受日本戶外另一面。


和歌山旅行露營影片會陸陸續續係HKCAMP及RTG Travel等平台推出, 之後仲有詳細露營場地介紹,唔想錯過就要留意網站,同埋訂閱我哋YouTube Channel,睇住預告片同埋少少相片先啦。


另外一定要感謝我哋重要嘅贊助商先 指定旅行社 : RTG Travel 特別鳴謝 : Columbia、Go Wild 、和歌山縣觀光交流課



 

點解去和歌山露營?露營時享受絕境溫泉。


去富士山露營就聽得多,今次點解選擇和歌山呢? 首先熱門地方如富士山、關西琵琶湖等地露營知識已經非常豐富,上網隨便都可以搵到!但其實日本仲有好多露營絕境。所以今次HKCAMP想發掘一啲新嘅地方去玩,而和歌山有幾個露營場地都好有特色,有啲更超過20年,景色非常豐富,更有絕境溫泉,呢啲全部都係和歌山吸引嘅地方, 而且佢鄰近大阪同關西機場,玩完幾日戶外露營之旅,又可以立即落返大阪shopping,地理絕對配合到大家唔同嘅需要。






 

戶外活動更吸引・盛產水果、海鮮等美食


HKCAMP今次試玩露營旅行Camping holiday,當然有齊露營、Glamping、戶外活動同埋DIY元素,而且仲有唔少名勝古蹟例如世界遺產等等觀光重要元素,跟以前去旅行有少少唔同,跟住我哋一齊去睇睇不一樣嘅和歌山啦。


我哋今次去咗摘和歌山特產富有柿、試咗當地最出名嘅南高梅、 去咗當地吞拿魚拍賣市場見到過百條吞拿魚,好壯觀~ 之後仲可以即食新鮮吞拿魚刺身呀!






 

大自然景色・ 世界遺產嘆為觀止


鍾意露營其實一定會鍾意行山或者親親大自然, 而和歌山沿海景色非常靚,面對太平洋,日日都心曠神怡, 更有幾個獨特景色必去打卡點,靜靜雞同大家講,暫時未有咁多遊客知道㗎~大家記得留意我哋影片啦。





 

咁精彩嘅旅行露營路線千祈唔好錯過, 快啲睇實HKCAMP 最新消息,無論香港、日本或者全世界,總之愛露營就會見到我哋HKCAMP啦。 另外,如果想訂購以上露營場、機票、住宿等等可以向RTG Travel查詢。


*以上圖片均為HKCAMP所擁有, 所有相片獲官方授權拍攝。

約定大家, 我地係世界各地營地相遇~



**以後關於露營圖片及分享,記得打Hash Tag(#HKHKCAMP





bottom of page