• HKCAMP

《CARPUS X CHUMS X HKCAMP迎接初夏Car Camping露營節2022》 疫情後首個露營活動回顧~

已更新:7月19日


疫情後終於有露營活動分享啦~ 仲要係首次三方聯成露營活動!


《Carpus X Chums X HKCAMP-迎接初夏Car Camping露營節2022》活動真係一波三折,因為疫情關係活動日期一改再改,足足延期咗3次先可以順利舉行,最終係5月28-29號順利完成。不過本身預約咗嘅活動內容,因為疫情唔穩定而被迫腰斬,小編係度再同參加嘅谷友講聲唔好意思SORRY,希望疫情快快過去露營活動陸續有黎,大家可以玩得盡興啲,開心啲!


 

疫情後第一個露營活動


雖然活動舉辦唔容易,但係得到參加者、營地同CHUMS支持,同時又可以再見到各位谷友!真係令人好亢奮呀,今次嚟唔到唔緊要,等小編同大家回顧一下啦,下次一齊再玩。


活動當日天公造美,太陽伯伯高高掛!本身以為會落雨,但最後都放晴, 雖然有啲熱但都無阻大家對露營嘅熱愛,當中選擇咗CHUMS用具嘅參加者,一入營地就見到擺放好嘅CHUMS營帳及用具, 輕輕鬆鬆入嚟玩。




 

迎接初夏CAR CAMPING


當日大家陸續入場, 雖然真係有啲熱, 但係大家都好enjoy整個過程。除咗認識到新朋友外,仲重遇參加過HKCAMP之前第一個露營祭嘅朋友,真係好滾動呀,另外大家仲set up咗好多唔同嘅靚帳篷, 好有心思。




參加嘅朋友仲帶埋CHUMS主題產品黎參加CHUMS PARK,好用心佈置自己嘅營位。



同場有位參加者仲帶埋靚車、電視機、冷氣,真係超有準備呀。


 

CARPUS X CHUMS禮物包


CARPUS同CHUMS仲為大家準備好禮物包及環保炭爐,CHUMS禮物包當中,仲有為今次活動而設計嘅限定Cap帽同晴天娃娃等⋯⋯唔同嘅小精品,唔知大家收到有無驚喜呢?希望大家滿載而歸啦!



 

即影即有為活動留紀念


HKCAMP專程請黎攝影師朋友,同大家拍拍即影即有相片留念。當大家set好營帳,就同大家黎個小互動,影下相片。無唸過原來露營玩即影即有係咁有日系feel,好有回憶感覺呀,要多謝SUNNY攝影師嚟幫手。



 

再次感謝會員參加,今次因疫情未能完美,希望下次再回饋大家。


雖然今次活動有小插曲,但都可以順利舉行。要多謝一眾參加朋友,營地CARPUS及CHUMS嘅支持,之後就係《HKCAMP夏水禮露營祭》活動啦,記得繼續留意報導~(笑)



 

約定大家,我哋營地相遇啦!HKCAMP


**以後關於露營圖片及分享,記得打Hash Tag(#HKHKCAMP