• HKCAMP

New Balance Fun Trail Party 跑出山野樂趣,一齊出返身汗~爽

夏天坐係度咁悶熱,不如起身感受陽光,動身舒展一下,一齊黎分享山野樂趣啦!


小編係上星期參加咗New Balance Fun Trail 派對, 當日天氣有啲熱,但都無減大家一齊運動出身汗,感受山野樂趣嘅興致。早前NB推出嘅Fresh Foam X Hierro V7就非常適合大家著黎跑山做training啦。




 

NBRC越野跑訓練開始


當日活動從越野跑訓練開始,New Balance Running Club (NBRC)以及其他參加者著住NB最新越野運動鞋進行跑山訓練。專影運動相片嘅攝影師馬木幾都黎咗,同大家一齊「露」面。





NB越野鞋除咗跑山啱洗外,原來露營時穿著越野運動鞋都非常適合,孭住大袋細袋行走於山野間都可以揮灑自如,防滑防水又透氣,戶外活動就啱哂。


 

戶外進行體能訓練


完成跑山越野訓練後, 大家一齊齊集係草地上,由教練帶領進行體能訓練。烈日之下真係小啲體力都唔得呀。 雖然大汗淋漓,但大家都堅持完成。





 

HKCAMP小編戶外瑜珈體驗


一場黎到, 小編當然要參與其中, 感受山野樂趣啦。 大家休息過後, 大會安排咗瑜珈導師及Stick Mobility教練同大家一齊做做伸展運動。平時雖然有做開瑜珈,但係太陽底下做高溫瑜珈都係第一次。合上雙眼,感受太陽照射到身上嘅溫暖,再來一陣微風,帶領著呼吸,慢慢咁心情都放輕鬆,感受真係好充實滿足呀。





另一邊係Stick Mobility訓練,教練教大家點樣可以利用長棍再配合不同申展動作,幫助大家達到拉筋及舒緩肌肉壓力嘅效果。



 

運動過後還有手作市集


做完運動, 大會仲安排咗豐富嘅午餐同甜點比參加者。仲有工作坊及手作市集,食飽飽就可以行吓, 支持一下手作工藝,小編都買咗個小禮物呀!


雖然夏天係露營淡季,不過谷友們不妨做做運動,用另一種方式「露」面,感受大自然及山野之間嘅樂趣。 HKCAMP會繼續捐窿捐罅搵搵其他露營淡季都可以玩嘅戶外活動,一齊keep住「露」! 今次活動小編都有參與,出身汗非常爽。




 

約定大家,我哋營地再遇!



相片及資料來源: HKCAMP / 運動攝影師馬木幾


**以後關於露營圖片及分享,記得打Hash Tag(#HKHKCAMP