top of page
  • 作家相片HKCAMP

OUTDOOR CHIC FEST戶外時尚節・精華回顧 - Part 1

灣仔海濱今年首次有大型活動, HKCAMP好高興同灣仔夏誌合作舉辦戶外主題活動,有別於香港露營文化祭,今次嘗試創新集齊10多個品牌或店舖,一齊打造今次OUTDOOR CHIC FEST戶外時尚節,以非市集形式讓你體驗戶外元素,更找來本地人氣平台BUYBLE一齊玩轉呢個戶外打卡派對。 活動內容主要以新興運動、 咖啡美食、打卡、時尚及戶外品牌作結合, 大家嚟到可以享受打卡活動、運動體驗等等⋯⋯ 當中HKCAMP更設計夢想飛行日, 拋低煩惱紙飛機活動, 估唔到活動非常受歡迎,收集左六十多個煩惱喺灣仔同大家一齊拋低。


嚟緊七月HKCAMP將會舉行第三屆《香港露營文化祭》,希望7月喺中環再見到大家。


 

感激前來的每一位市民及會員


活動前一星期不斷落雨令團隊非常擔心, 慶幸活動開始到結束只係有少量雨水,非常感數千位前來嘅市民及會員,嚟感受戶外時尚節。小編整合整個活動嘅相片俾大家感受一下,活動精華與香港特色時尚產品, 讓大家更了解我哋活動嘅內容,希望盡快有第二屆啦。


下圖為本地山系品牌森匠,以山之名嘅產品吸引不少市民眼球


本地品牌CMO,以香港十八區區分不同味道香水,讓你尋找屬於自己的獨特氣味


戶外活動又點少得露營,HKCAMP小編私心推介!由山藝工作者主理的香港品牌lazzysheep嘅露營用品,7月香港露營文化祭記得嚟感受一下佢嘅輕量帳篷。


HHOUSE 咖啡及露營用品,日系風格露營杯及露營即沖咖啡,絕對係戶外野炊最好嘅配搭。



 

新興運動體驗・市民大眾一齊玩


OUTDOOR CHIC FEST戶外時尚節, 當初HKCAMP構思重點之一想推廣《新興運動》,希望讓市民 了解更多時尚又健康嘅運動,讓大家有更多運動嘅選擇,活動當日市民亦能即時親身體驗同導師一齊玩,出返身汗。


精選時尚運動包括:

  • 結合了花式跳繩、舞蹈及體操嘅繩流 Rope Flow

  • 由德國引入嘅透過雙手擺動 ELASKO 伸展球

  • 結合拉丁舞蹈風格嘅Zumba。


繩流 Rope Flow


ELASKO 伸展球


Zumba


由於兩日嘅精彩內容實在太多, 所以分兩段文章介紹。有賴HKCAMP團隊嘅努力,以及每一位參與品牌嘅付出先至成就呢個活動, 再次感謝每位參展商。 最後當然感謝入場嘅每一位市民及HKCAMP會員。


快啲click入下一個文章睇埋精彩活動內容回顧。




Kommentare


bottom of page