酒店天台上有真草地， 仲可以露營， 相信營友都一定有聽講過。
位於西貢嘅WM Hotel係全港首間開設豪華露營+Staycation嘅酒店。項目至今已推出一年多， 一直都非常受歡迎， 小編之前都有去參觀， 酒店房間天台有真草地，再加埋提供扎好嘅營帳、床鋪、暖爐等， 真係好有露營Feel呀。
酒店最近更加有露營概念店新開張， 小編好高興可以參與概念店「myFamiGo x Daisuk 營。遊」嘅Grand Opening，大家一齊黎睇睇當日有幾熱鬧啦! GoGoGo~以後西貢有一好地方打卡。
「myFamiGo x Daisuk 營。遊」營業時間為13:00–18:30
店主大叔及Bernard， 恭喜晒！
最新露營概念店開幕 露營概念店當然有「營」啦， 店內陳列咗大大小小唔同類型嘅營帳，可以親身感受營帳嘅大小適唔適合自己，仲有唔少露營產品購買，未試過露營又心思思嘅朋友，一定要黎體驗一下。
概念店內仲有受小朋友歡迎嘅電動車， 小朋友有得玩之餘，大人仲可以係自助Pantry一邊嘆返杯咖啡，一邊欣賞牆上嘅壁畫，大人細路都可以一齊感受假期嘅步伐，開幕當日更有小小嘅市集。
Grand opening當日， 真係好熱鬧呀。 除咗有現場音樂表演外， 更請黎氣球工藝師同大家製作新年大吉氣球，小編都好想要返個呀!
當日概念店更安排咗豪華露營+Staycation room tour， 未試過嘅朋友可以親身睇睇豪華露營+Staycation有幾正啦! 聽聞之後仲會加推預訂BBQ餐， 有興趣嘅朋友密切留意更新啦!
比豪華露營更豪華嘅體驗， 一定要黎WM Hotel!
約定大家，我哋喺世界各地營地相遇啦！
**以上圖片及資料來源: HKCAMP
**以後關於露營圖片及分享，記得打Hash Tag（#HKHKCAMP）
相關資訊：