啱啱過去嘅星期舉行咗一個說走就走音樂露營之旅，就係KOLOR X KKDAY嘅露營音樂會啦！ 大家無懼酷熱嘅天氣來一場露天音樂會，熱血沸騰！好正~
真心好想可以多一啲露營＋音樂嘅活動，好熱血好享受，等小編同大家回顧一下當日相片先，當日〈說走就走音樂露營之旅〉係沙頭角Autocamper紅花嶺舉行，重點當然係聽KOLOR同露營啦，就係咁玩足兩日一夜。
係一片咁靚嘅草地響起結他鼓聲，所有人立即起哄，全場氣氛真係好正。
氣溫無阻音樂
當日演唱會天氣雖然係有啲熱，但真係一啲都唔影響大家享受音樂，KOLOR唱咗陣，仲除埋衫添， 呢啲就係熱血嘅Band Show， 都唔知幾耐冇感受過啦。
晚間露營音樂分享會
演唱會後就係露營環節啦，晚上KOLOR同大家圍爐，有傾有講又彈結他，同大家享受戶外露營環境！小編幾時都話，露營最開心就係一齊吹吓水同食吓野，今之仲可以同KOLOR一齊互動添。
期待下次！感謝KKDAY同KOLOR嘗試左新嘅露營體驗，露營的確可以有好多可行性~
HKCAMP同大家都一齊試新野，同大家一齊分享出嚟啦~
約定大家，我哋營地相遇啦！
相片及資料來源：KOLOR
**以後關於露營圖片及分享，記得打Hash Tag（#HKHKCAMP）