• HKCAMP

「營」友朝聖啦~Blue Bottle沙田限定戶外營地咖啡店,等緊你同你嘅小毛孩~Let’s Chill~

已更新:2021年8月26日

相信一眾鍾意咖啡嘅「營」友都一定認識Blue Bottle Coffee. 實不相暪, 小編都係擁躉之一. 黎緊佢地會夥拍多個本地品牌, 進駐新界區開設限定戶外咖啡店, 仲會舉辦一連串精彩活動, 係咪已經等吾切? 等小編率先同大家介紹一下先~


打頭炮當然係沙田新城市廣場嘅限定戶外咖啡店啦. 小編記得之前Blue bottle Coffee都有係沙田新城市廣場開過短期攤位, 今次嘅限定店係同露營cross over. 場內設有啡民熱捧嘅1966 年美國產Caravel 露營車, 為大家提供美味咖啡.
 

鍾意歐洲露營風格嘅「營」友更加要留意呀!! 因為會場內有印第安帳篷、天幕、露營桌椅等等. 仲有多個寵物專用帳篷,有小毛孩嘅「營」友千奇吾好錯過, 黎感受下Pets Camping啦.

 

今次Blue Bottle Coffee會連同本地手工美食品牌JamStory 、The Nutter , Gelat一齊合作, 推出會場限定嘅Waffle Parfait 及狗仔專屬小食, 仲會獨家提供望月流心奶黃月餅.「營」友可以嘆優質咖啡及食品之外, 小毛孩都可以食餐飽, 玩餐飽, 係咪正先?

 

同日Blue Bottle Coffee與 PAPERY 合作特製嘅外賣容器, 裝有冷萃咖啡(Cold Brew Coffee) 嘅「Blue Bottle Coffee Box」, 都會係沙田限定咖啡店同步推出, 仲有會場限定沖泡咖啡禮盒,真係點可以吾去呢?

 

Blue Bottle Coffee沙田限定咖啡店

日期: 8 月 25日至 11月21日

地點: 新界沙田新城市廣場 3 樓小食亭(「兒童及寵物同樂園」側)

營業時間: 11:00 – 20:00

Instagram: BlueBottleCoffeeHongKong


小編同大家報個料, 限定咖啡店期間, 大家只要上載與寵物嘅Blue Bottle Coffee時光及Hashtag #DogsOfBlueBottle, Blue Bottle會選出 30 位送上一杯咖啡, 有興趣嘅「營」友可以到IG了解了解.

 

黎緊露營開季, 未有Idea去邊度Camping? 吾緊要! Blue Bottle Coffee 邀請左Todayz Photography 嘅David 同佢嘅好拍檔「爬坡」一齊分享同毛孩露營登山嘅心得, 仲會介紹適合與毛孩一齊出走嘅路線添, 分享會費用全免, 大家記得去埋啦

露營登山分享會

日期: 2021 年 8 月28日(星期日)

地點: Blue Bottle Coffee 沙田限定咖啡店對出的「兒童及寵物同樂園」空地

時間: 15:00-15:30


9月初仲會邀請資深露營朋友,與Blue Bottle Coffee 咖啡師舉辦一個露營手沖咖啡心得分享會, 同樣免費入場. 想去嘅「營」友就要留意之後嘅公怖啦. 小編都好期待~

 

平時「營」友除左Camping之外, 都可以試下踐住單車, 遊走沙田,輕輕鬆鬆追個風.


今次活動聯同本地城市單車生活文化平台Bike The Moment (BTM) 舉辦咖啡單車遊.

限定咖啡店內陳列了一系列 Tokyobike 及提供預約租借服務, 方便大家感受Urban Cycling 嘅樂趣. 參加Bike Tour仲包埋一張咖啡卡, 想了解多D, 可到 BTM 查詢呀.

 

好靜嘅「營」友, 可以參加黎緊9 月同巨人染咖啡渣、植屋、集棄場等合作嘅咖啡渣及再造木工作坊.


工作坊教授大家萃取咖啡渣做染料嘅方法, 以及運用不同紮染技法係布上創作, 令咖啡渣用一個新形態延續生命. 2 小時課程費用包括製成品扎染風呂敷及一張咖啡卡.

10 月及 11 月仲有更多精彩活動, 大家要留意 IG公佈啦.

 

嫌齋飲吾夠過癮? 想係Camping嘅時候, 親手裝作一杯美味咖啡?


甘就要參加埋由Blue Bottle Coffee 咖啡師主理嘅 90 分鐘手沖咖啡班啦.

課程包括介紹各種咖啡豆、手沖工具使用方法、手沖示範及體驗教學,

約埋幾個志趣相同嘅「營」友, 四人一組. 就可以體驗一杯美味手沖咖啡嘅誕生啦. 課程分別於中環(平日)及沙田(周末)舉行. 費用包括一包由咖啡師挑選嘅精選咖啡豆 (200g) 及一本手沖指南《The Art of Pour Over》. 有興趣嘅「營」友一定吾可以錯過啦.

 

各位「營」人仲等咩呀, 快d約埋朋友, 帶埋小毛孩, 黎緊8月25日去朝聖啦~


約定你, 我地營地相遇~




**相片及資料來源: Blue Bottle Coffee


**以後關於露營圖片及分享,記得打Hash Tag(#HKHKCAMP


#HKHKCAMP #香港人露營分享谷專頁 #谷友活動 #營友 #露營開季 #毛孩露營 #Petcamping

#人寵露營 #寵物帳篷 #露營分享會

#Bluebottlecoffee #營住飲 #露營咖啡 #咖啡 #手沖咖啡 #手沖咖啡班

#沙田新城市廣場 #沙田戶外限定咖啡店 #沙田遊 #單車

#TodayzPhotography #BikeTheMoment #咖啡渣 #再造木工作坊 相關文章: Blue Bottle Coffee沙田新城市廣場限定店, 比你同你嘅小毛孩一次又Chill又型嘅Pet Camping體驗, 仲吾快啲黎打卡?