• HKCAMP

Blue Bottle Coffee沙田新城市廣場限定店, 比你同你嘅小毛孩一次又Chill又型嘅Pet Camping體驗, 仲吾快啲黎打卡?

上次同大家分享過Blue Bottle Coffee進駐沙田新城市廣場, 開設露營做主題嘅限定咖啡店. 小編係一個咖啡迷, 當然要率先同大家報導一下啦.

今次好開心得到相關部門嘅邀請, 可以參與Blue Bottle Coffee沙田限定店嘅Grand Opening, 就等小編帶大家行一轉, 黎緊今個週末, 大家就帶埋心愛嘅毛小孩去打卡啦.


小編一入場就被呢架1966年, 美國出產嘅Caravel復古露營車吸引住啦. 雖然係1966年出產, 但仍然係可以使用. 而且全香港只有兩架. 其中一架就黎左沙田限定店啦. 黎到嘅朋友一定吾可以錯過, 埋黎同毛孩打個卡.
 

順便試埋佢地嘅咖啡同埋同本地手工美食品牌JamStory 、The Nutter , Gelat合作推出嘅限定Waffle Parfait啦. 小編行到熱熱地, 嘆返啖冷咖啡, 食埋個窩夫, 真係好爽呀.

好野點可以少左毛小孩呢, 同場仲會有狗仔專屬小食, 比一眾為食主子大飽口福呀.

 

主子們食飽飽, 當然要帶佢地去場內嘅寵物活動區玩下啦. 寵物活動區其實似寵物公園, 有齊曬毛小孩鍾意嘅玩兒. 小編見到場內狗狗都玩得好興奮呀. 不過依家天氣都仲係好熱, 帶狗狗黎玩記得帶埋水比狗狗補充水份啦.

 

而令小編最為興奮嘅當然係埸內多個吾同類型嘅露營帳篷啦. 會場內嘅帳篷大部份都係來自日本品牌Ogawa.


當中主角就係呢個係全東南亞都賣到斷曬市嘅阿波羅, 佢除左可以做客廳帳之外, 中間仲有內帳, 可以同時區分房同客廳部份. 帳頂設有防雨罩, 有足夠耐水能力, 落雨天camping都無有怕. 而且營帳幾面都可以打開, 非常通爽. 小編見到都非常讚嘆, 岩曬一家大細或者同埋一大班朋友出camping呀.

 

而另一個主角就係香港比較小見嘅北歐風格營帳, 因為北歐比較凍, 好多時露營都要係帳內煮野食, 所以帳篷每邊都可以打開, 令空氣流通. 小編單睇外型都覺得無得輸呀.

 

場內仲有專為寵物而設嘅寵物帳篷. 其實寵物帳篷除左露營可以用之外, 平時都可以開比主子們玩下. 因為帳篷底部提升左, 寵物訓係入邊就有足夠流通嘅空氣, 岩曬一眾怕熱怕焗嘅小毛孩啦.

而且主人嘅營凳都有特別設計, 營凳高度調低左, 甘就可以就返寵物帳篷嘅高度, 主人可以平視毛小孩, 大家互動一下, 呢個設計真係相當細心呀.

 

除左營帳之外, 仲有不同高度嘅露營椅同木架.

 

場內仲有兩個型到無朋友嘅天幕. 真心要黎睇下, 感受下同毛孩出Camp嘅樂趣呀.

 

小編當日仲參加左Blue Bottle Coffee同本地城市單車生活文化平台Bike The Moment (BTM) 舉辦嘅咖啡單車遊.

 

小編連同其他參加者從3點出發, 一齊踐住單車遊沙田, 到城門河泮一邊望住日落, 一邊享受Blue Bottle嘅cold brew coffee, 真係好chill呀.

 

小編不得不分享下Blue Bottle與Papery合作推出嘅特製外賣容器, Blue Bottle Coffee Box. 吾好睇佢好似細細盒, 內裡可以裝到2公升, 10杯嘅cold brew咖啡. 岩曬大家camping嘅時候同一班朋友分享.

 

場內仲有會場限定嘅沖泡咖啡禮盒, 鍾意咖啡嘅營友千奇吾好錯過啦.

 

活動已經係8月25日開始左啦, 有興趣嘅營友快d帶埋心愛嘅毛小孩黎chill返下啦. 周日過黎仲可以參加埋露營登山分享會.


Blue Bottle Coffee沙田限定咖啡店

日期: 8 月 25日至 11月21日

地點: 新界沙田新城市廣場 3 樓小食亭(「兒童及寵物同樂園」側)

營業時間: 11:00 – 20:00

Instagram: BlueBottleCoffeeHongKong


露營登山分享

日期: 2021 年 8 月28日(星期日)

地點: Blue Bottle Coffee 沙田限定咖啡店對出的「兒童及寵物同樂園」空地

時間: 15:00-15:30

 

約定你, 我地營地相遇~



**相片及資料來源: HKCAMP


**以後關於露營圖片及分享,記得打Hash Tag(#HKHKCAMP


#HKHKCAMP #香港人露營分享谷 #香港人露營分享谷專頁

#PetCamping #Bluebottlecoffee #dogsofbluebottle #ddprhk #NewTownPlaza

#沙田戶外限定咖啡店 #沙田單車遊 #BikeTheMoment

#寵物露營 #寵物露營帳篷 #Ogawa露營帳篷 #北歐帳篷


相關文章: 「營」友朝聖啦~Blue Bottle沙田限定戶外營地咖啡店,等緊你同你嘅小毛孩~Let’s Chill~