HKCAMP好開心係過去嘅11月去咗和歌山。和歌山縣觀光局帶我哋去哂最新，最潮露營場地及周邊旅遊新景點。 今次旅程我哋去咗好多吾同類型嘅露營場，當中有Camping, Glamping， 露營車車中泊等。真係一個非常難忘嘅旅程呀！ 返黎緊係第一時間同大家分享啦~第一日我哋就去咗位於和歌山縣和歌山市嘅《Gaju Camp》， 以上相片片段全獲官方授權拍攝。
想去和歌山訂購營地或套票，去呢度啦RTG TRAVEL
加州風格 Chill級Relax豪華露營體驗
「Gaju」即係加州嘅意思，整個營地都以美國加州為設計風格。營地主人專程喺美國加州揀選吾同富有加州特色嘅植物， 移植到營地。 小編特別鐘意佢嘅龍舌蘭，除此之外仲有大大小小嘅加州仙人掌， 打卡必影！場地夜晚仲要堅靚~
歐美風格融合地道日本文化
營地走歐美加州風格，融入日本地道文化。 好似加入戶外桑拿房， 露天溫泉， 仲有日本限定嘅被爐呀！當日小編們坐到吾捨得走， 第一次體驗被爐， 仲要係營地， 真係好特別， 真心正！
超靚印第安營+露營車體驗
Airstream露營車之前報道就寫得多， 小編都係第一次可以係日本營地入住。營地主人佈置有格調又cozy。
戲肉當然係營地嘅印第安營啦！小編們當日就係住係呢個營帳啦。營帳內超寬闊，可以容納三張雙人床， 足夠6人入住。
無論係印第安營抑或Airstream 露營車內，都有齊冷暖氣及雪櫃等設備， 堅貼心。
洗手間浴室一塵不染 設備齊全
日本人一向講究衛生，小編冇諗過連戶外嘅營地都一樣咁乾淨。洗手間同浴室真係一塵不染。冷熱水、毛巾、風筒、吸塵機一應俱全，就好似去咗酒店一樣。
場主更為大家預備好棉花棒、牙刷牙膏、橡筋、潤膚霜等個人物品供應大家使用。 晚上肚餓仲有杯麵、零食，真係貼心到無朋友呀！
露營嘆埋BBQ協會監收嘅BBQ餐
場主除咗有心思，仲非常有心，創立BBQ協會， 希望大家黎到營地可以玩得更加開心盡興。當日場主仲親自下煮，為我哋炮製特色BBQ餐。
小編想講大家黎到一定要試！牛排係超嫩滑，仲有雞肉質感係從未試過嘅， 真心推介，下次黎一定要再Order呀！
日本露營超正感受，必推！
今次旅程HKCAMP去咗唔少和歌山新營地， 會陸陸續續推出短片同埋貼文介紹，想知更多，記得緊貼我哋啦！再次感謝拍攝團隊及主持，一齊玩得好開心。
另外一定要感謝我哋重要嘅贊助商 指定旅行社 : RTG Travel 特別鳴謝 : Columbia、Go Wild 和歌山縣觀光交流課
約定大家，我哋喺世界各地營地相遇啦！