全新Insta360 X3發佈!戶外活動、露營拍出高質全景影片。

已更新:9月9日

熱愛影相又鍾意玩戶外活動及露營嘅朋友, 一定會明白一部好嘅運動相機真係可遇不可求! 唔知呢部全新推出嘅 Insta360 X3 全景運動相機又啱唔啱大家口味呢?


現今社交媒體普及,人人都係「創作者」,個個都講求獨特性及創新。於今日正式發佈嘅Insta360 X3就最適合不過,距離上一代Insta360 One X2不經不覺已經兩年,Insta360 X3 規格全面提升,相信一定可以拍出高質全景影片。

 

配備全新 1/2" 4800萬像素感光元件、2.29” 觸控螢幕及多款創新功能


講講新機嘅賣點,Insta360 X3支援運動 HDR 拍攝 5.7K 全景影片、隱形自拍棒效果及7200萬畫素照片,高清記錄當下所有景象,。 同時可以好似標準運動相機一樣使用單鏡頭模式,拍攝清晰極廣角 4K 畫面。 Insta360 X3 外觀設計基本上與上代設計相似,但機身上屏幕由 1 吋圓形設計改為 2.29 吋方形觸控屏幕,屏幕更大的確方便咗。

 

感光元提升畫質


憑藉全新運動 HDR 模式及 1/2" 感光元件,Insta360 X3全景影片畫質亦有提升。運動 HDR 使用創新性算法來穩定動作片段、減少重影,及呈現其他運動相機未能夠保留嘅高光及陰影細節。


另一個重要功能,就係相機嘅雙鏡頭設計可以實現隱形自拍棒特效。每當使用隱形自拍棒拍攝, 機內獨有技術將會自動將自拍棒消失係畫面當中,一個人都能輕鬆拍攝空拍視角及第三人稱視角。而今次推出嘅全新跟拍模式,將無需重新運鏡即可拍攝具有隱形自拍棒效果嘅 60fps 影片。啟用該模式後,相機將焦點放係人物身上,同時將自拍棒自動隱形。


 

一個人原來都可以盡興,拍出第一身視角


相機提供全新2.7K 170° 極廣角畫面選項,方便大家分享第一人稱視角影片。啱哂大家露營野炊影男女朋友視角相片,仲提供最高清嘅7200萬畫素照片功能。同時有適用於影城市景或風光畫面嘅 8K 全景延時攝影功能。

 

極度穩定, 任何環境都能順利拍攝。


無論任何運動場景下,Insta360 X3嘅六軸陀螺儀及 FlowState 防震技術都能夠確保影片穩定順暢。當其他運動相機最多只能支援 45°校正 ,Insta360 X3只需開啟360°全景水平校正功能後無論點樣翻轉相機,畫面依舊能夠保持水平。


全新循環錄影功能可讓 Insta360 X3秒變成行車記錄儀,持續錄影同時只保留最後數分鐘,節省記憶卡空間。




現正熱賣中

Insta360 X3 於今日2022年9月8日起即在 Insta360.com, Amazon (美國、歐洲、日本) 及指定零售商同步發售,售價港幣3,648。另外單獨出售配件包括鏡頭保護鏡、冷靴、充電音頻轉接件及閃傳伴侶。


有興趣嘅朋友,可以到Insta官網睇睇

Insta360官網:: http://www.insta360.com/


 

今個露營季節就可以用新機影靚相啦! 影完千奇要記得參加埋HKCAMP香港露營文化祭嘅露營相片分享攝影比賽,有豐當獎品等住大家呀! (詳程請按此)


約定大家,我哋營地相遇啦!




相片及資料來源:Insta360


**以後關於露營圖片及分享,記得打Hash Tag(#HKHKCAMP