《搖曳露營△-劇場版》電影預告6月1日前正式公開

唔知有幾多人有睇過搖曳露營△? 又有幾多人睇完之後買咗B6君呢, 只要你喜歡露營,點都有聽過呢套日本動漫搖曳露營△ (日本*ゆるキャン△) ,由日本漫畫家あfろ畫嘅漫畫,7月1日電影版會在日本上映。


如果唔知係咩,小編簡述一下,故事係講主角撫子一次意外咁,遇見正係本棲湖 (日本露營地點) 進行Solo Camping嘅女仔凜,二人因此認識,撫子亦開始對露營產生興趣,故事發展以她們體驗帶出,去露營能享受到嘅樂趣(例如野炊),同時加入唔少露營的小知識。


日本亦都因為呢圖漫畫,令到唔少人對露營產生興趣, 如果大家想重溫番第一集不妨喺Netflix度重溫。


*下面電影宣傳海報


 

《搖曳露營△》電影以劇場版形式表現


故事係講已經長大嘅主角,千明傳訊息給係名古屋出版社做編輯嘅凜,故事開結


係山梨縣觀光推廣工作嘅千明,負責數年前關閉設施嘅重啟企劃,聽到企劃嘅凜:「 有咁靚同咁大嘅地,做露營場地應該好適合」。於是係東京戶外用品店打作嘅撫子、係山梨小學做老師嘅葵、係橫濱寵物打作嘅惠那等人⋯⋯都集結而來,再次聚埋一齊,延續對露營嘅熱愛。


 

有幾耐冇見過以前玩嘅朋友呢?


無論你鍾唔鍾意露營,其實都值得去睇吓唔知香港會唔會遲啲上影?

細心諗諗有幾耐冇見過以前一齊玩嘅朋友呢?,細個冇咩負擔一心只係想玩自己鍾意嘅嘢,難得仲有志同道合嘅人,發生過嘅趣事同回憶都放咗喺心入邊。


但隨着自己年紀越來越大,大家都各有各生活同埋忙碌,唔知有幾耐冇見, 所以露營其實都係一個可以敘舊嘅節目,等大家可以放空心情享受一下傾計回憶過去, 之後再回到生活崗位, 有時間不妨約返舊朋友一齊露營,喺大自然嘅環境之下係一齊充下電,為大家加油。

 

約定大家,我哋營地相遇啦!


相片及資料來源: 搖曳露營△Youtubr

**以後關於露營圖片及分享,記得打Hash Tag(#HKHKCAMP