• HKCAMP

露營以外, 仲可以咁樣玩? 飛索, 繩網, 歷奇, 你夠唔夠膽挑戰?

已更新:2021年10月30日

相信大家同小編一樣, 露營嘅時候都鍾意放空一下. 但露營除左Chill下輕鬆下之外, 會唔會可以配合埋新奇刺激嘅戶外活動呢?
 

大家有無唸過原來兩者可以二合為一. 係營地扎好營帳, 就可以去歷奇, 挑戰一下自己嘅膽量之餘, 有啲歷奇活動仲可以訓練大家團體合作同建立自信心.


歷奇到底係咩?

相信大家同小編一樣都有疑問. 歷奇即係奇遇, 冒險嘅經歷. 歷奇本身包含一定程度技巧, 係一種與慣常生活方式唔同嘅經驗. 透過歷奇設施, 戶外體驗式活動, 加上唔同歷奇指導內容同目標, 都可以令參加者成長或者建立技能. 係適合身心發展嘅健康活動.


 

一講起歷奇, 就會唸到飛索? 少年你太年青啦!

歷奇活動除左飛索之外, 仲有高空繩網, 高空遊繩, 緣繩下降, 攀石, 高牆, 低結構歷奇活動, 山藝活動, 峽谷挑戰, 野外定向, 射箭及不同的水上活動等等. 大家可以透過活動, 更加了解自己, 學習以積極樂觀態度面對困難同逆境, 仲可以有效提升個人素質及積極人生態度. 而且活動過程需要人與人之後溝通合作, 都可以訓練時間管理, 增強社交技巧, 促進團隊溝通及合作精神.

(高空繩索高度可以有成四層樓高, 所以一定要有專業教練在場架)

 
露營+歷奇?

其實以前, 人係野外生活, 整個過程就好似露營加歷奇. 但現代先進左, 大家可以chill住露營同時又可以有專業教練指導下試玩歷奇活動. 而且依家好多歷奇活動program都經過教練設計, 變得更加多樣化.


好似有專為青少年發展而設嘅program, 可以訓練思維, 增加與人溝通技巧. 又有為公司團體而設嘅, 可以訓練合作及團體精神. 最近仲有好多專為情侶及夫妻而設嘅, 增加大家互信同埋了解彼此. 活動過後, 大家仲可以係扎好嘅營帳休息, 試試野外生火, 小編指嘅係專業嘅野外生火煮食, 歷奇活動都有包括在內.


小編忽發奇想, 如果可以參加有益身心嘅歷奇活動, 又可以享受露營嘅Chill chill感覺, 兩者二合為一, 唔知大家又覺得點呢? 會唔會有興趣? 不如大家都留言講講意見.

 

約定大家, 我地營地相遇~




**以上圖片及資料來源: HKCAMP香港人露營分享谷


**以後關於露營圖片及分享,記得打Hash Tag(#HKHKCAMP

#HKHKCAMP #香港人露營分享谷 #香港人露營分享谷專頁

#高空繩網 #緣繩 #攀石 #高牆 #低結構歷奇活動