露營美食家の食豪啲系列《和食料理篇Part2》

上次分享完日式燒肉,今次就講講最近比較流行嘅壽喜燒啦。雖然依家少咗露營機會,但下次露營嘅時候,都可以多個選擇啦! 今次都係小編們真心分享,絕非廣告呀!


 

唔知有冇一隻味道係一食到就會諗起日本嘅呢?去日本成日食到料理個種甜甜地嘅味道,小編每次係香港食到都會諗起日本。 呢種甜甜地嘅味就係類似壽喜燒啦!相信唔會有人唔鐘意嘅口味。


今次HKCAMP好開心請黎網上專做壽喜燒盛盒預訂服務嘅店舖,大家無論係屋企,定係帶去露營食,都非常正。下次想試試新野都可以多個選擇啦!


 

H: HKCAMP

S: Sukiyaki Master


H: 你哋店做好多好靚好精緻嘅壽喜燒盛盒,你覺得呢類型盛盒套裝可以帶去郊外,露營,野餐食用嗎?


S: 呢兩年多咗人鐘意露營,而呢一兩年間, 都多咗朋友訂壽喜燒set去露營食用。加上我哋嘅包裝都好啱帶去郊外,露營煮食用,所以都好適合。


 

H: 咁多客人買你哋嘅set,當中佢哋會唔會買去露營呀?


S: 會呀,唔少客人都會訂去營地, 都有客人訂去車中泊食用。


 

H: 你哋嘅壽喜燒主打係日本入口嘅和牛,你哋係包裝方面點樣確保食物可以保持新鮮,令營友可以食到新鮮美味嘅和牛呢?


S: 我哋有自己嘅車隊,而車隊係雪車,所以從出貨一刻,食物已經放係雪車嘅凍櫃內,溫度會保持係0-4度。加上我哋會提供保溫袋及冰種,保溫情度會大大增升。送到營地之後,包裝仍然可以保持保溫,食物再隔1-2小時食用都仲好新鮮。


 

H: 你哋嘅壽喜燒盛盒有分唔同配搭及價錢,係咪都有細心設計過呢?


S: 其實我哋嘅set都有好多唔同款式,配搭嘅蔬菜盒係一樣嘅,主要唔同係和牛嘅部位。有啲set有唔同部位,有啲就係全和牛, 有啲會配搭豚肉及海鮮,可以配合大家需要而選擇。


 

H: 如果營友未試過壽喜燒,你哋會先推介營友食邊個部位先呢?


S: 用黎做壽喜燒最熱門嘅部位係西冷,肉眼。如果係日本當地食,腿肉都會係最多人會食嘅。我哋set入邊都有西冷,肉眼,都係好熱門。


 

H: 你哋嘅set入邊都有好多配料呀, 如果營友帶去露營,應該要點烹調最好味呢?建議用咩方法烹調最適合同埋食到和牛嘅鮮味呢?


S: 我哋建議營友用一個關西風嘅壽喜燒煮法, 先用附送嘅牛脂起鑊,煎香大蔥再落和牛, 煎香和牛再倒入我哋秘製嘅壽喜燒汁,就可以食啦。 試咗幾片和牛之後,可以倒入多啲壽喜燒汁,加入蔬菜盤內配料,因為我哋嘅壽喜燒汁已經調配好口味,加上蔬菜烹調中會有多餘水份,所以唔建議大家加水,味道會啱啱好。蔬菜吸收咗牛同汁嘅精華會更加好味。





 

H: 好多營友都好鐘意帶和牛去露營,但和牛種類咁多,可以建議下營友點選擇嗎?


S: 和牛有好多產地。我哋試過好多款唔同和牛, 覺得熊本,宮崎和牛會比較好。 我哋主打嘅熊本和王,係黎自熊本最高級別嘅和牛先可以叫做熊本和王。佢哋必須要飼養28個月, 以及達到A4,A5嘅級別,先有呢個稱號。所以下次大家都可以選擇有和王級別嘅和牛。

另外,如果大家鐘意食油脂分布多嘅可以選擇A5,A4會相對小油脂分布。我哋set入邊有熊本和王,都有九州宮崎和牛比大家試試。


 

H: 其實你哋已經有好多唔同嘅set, 之後會唔會再推出更多種類嘅set呢?


S: 我哋其實都會不定時推出新嘅set。 好似啱啱過咗嘅情人節,我哋都有推出情人節set。之後都會有更多唔同組合 (*圖片由店主提供)。


 

H: 你哋嘅客人當中,有唔少都係營友。咁你哋自己本身會唔會去下露營架?


S: 我哋都會去架。比較鐘意去野外地方, 設備少啲,但就大自然多啲。


 

唔講唔知,原來店主都係營友黎, 更加明白營友去露營時嘅諗法同需要。下次去露營,希望有機會可以一齊食吓正嘢, 傾吓偈,互相分享,就係露營嘅真正意義。



如果想了解更加,歡迎瀏覽以下連結:


Sukiyaki Master


IG: https://bit.ly/3JYcNxl

WhatsApp: https://bit.ly/3M7hW7Z

 

如果谷友有咩好味嘅露營菜式或者店鋪想分享,歡迎大家報料,開心Share~


約定大家, 我哋營地相遇!




**以上圖片及資料來源: HKCAMP香港人露營分享谷 / Sukiyaki Master


**以後關於露營圖片及分享,記得打Hash Tag(#HKHKCAMP