去露營當然想Chill，想Relex。要relax又點可以無酒?
小編去露營嘅時候鍾意同大家傾偈，發現原來大家露營嘅時候必備嘅都一定有酒。無論係啤酒、紅酒、白酒、清酒樣樣都有支持者。近年手工啤大行其道， 又有專為露營而設計嘅日本清酒。露營必須酒系列， 當然要試試。
(溫馨提示：過咗18歲先好飲酒啊。飲酒之後切記唔好駕駛）
日本清酒
相信唔少朋友食日本嘢嘅時候都有試過清酒。 喜歡清酒嘅朋友可以試試呢隻來自新潟縣津南酒造嘅日本清酒。
品牌係清酒包裝設計上落咗心思，清一色以100ml包裝，細細包，帶去露營或者野餐都好方便。露營嘅時候，放喺鍋內加熱飲用又得。預先冷藏，放喺背包，想幾時拎出嚟飲都得。依家天氣咁熱，小編就鐘意放係冰箱，隨時隨地都可以嘆返杯透心涼嘅清酒。
全套有7款口味，用料都係來自日本新潟縣嘅原材料。但每款酒都各有千秋，可以配合唔同食物享用。大家一邊享受美食，一齊Cheers，真心正。
GO POCKET DINER係純米大吟釀。最適合晚餐飲用。酒精含量15-16度。如果鐘意果味重嘅朋友可以試吓GO POCKET DOLCE，同上一隻相比入口會較甘甜，果味濃，酒精含量13度。佢係日本當地仲拎過金獎。GO POCKET SPADE就啱哂鐘意辛口味嘅朋友啦。佢係屬於淡麗辛口嘅純米酒。 酒精含量都有15.5度。
想要啲傳統口味， 可以試埋GO POCKET VINTAGE。 呢款酒係日本當地都一樣拎過金獎。佢係長期熟成古酒，同普通清酒感覺完全唔一樣，口感香氣都非常獨特，鍾意傳統口味嘅朋友一定要試。
對於初初接觸清酒嘅朋友，口感清甜嘅GO POCKET LIGHT就岩哂。因為佢容易入口，酒精含量只有8度，未飲過清酒又想試試嘅朋友可以一試。
GO POCKET VINO都屬於比較溫和嘅口味。酸度溫和又豐果味，感覺似白葡萄酒，如果鍾意飲白酒嘅朋友，一定都會鍾意佢。佢都係日本當地拎過銅獎呀。最後一款亦都係小編覺得最正嘅一款，GO POCKET DAYS，佢比人感覺清爽清淡，但香味好持續有餘香，好值得一試。
釀酒廠知多少?!
唔講唔知，釀酒廠所在地新潟又名雪之國! 每年降雪量係全日本之冠! 釀製出來的嘅清酒特別清香而且帶點辛辣，口感特別。酒廠喺海拔2000米嘅山區上， 所以清酒就以此名命名。
釀酒既水喺高山上積雪嘅水，水分子比普通軟水細，所以釀出黎嘅酒飲落順口，細滑，被譽為日本「名水百選」之一。
最近品牌仲推出 GO Sparkling清酒，果香甜美清爽仲有陣陣清新蘋果香味，酒精含量9度，啱晒夏天飲呀！
相片來源: HKCAMP / Wow Papa
小編之前到日本「旅.營」，參加過唔同酒廠開辦嘅建學。下次去日本「旅.營」，希望可以參觀新潟縣酒廠，即場試試高山積雪水釀造嘅清酒，大家又有無興趣呢? 邊一款啱你口味？歡迎大家留言話俾小編知。
啤酒
啤酒相信大家飲唔少。大行其道嘅手工啤大家又有無試過? 今次想同營友分享下呢隻好有特色嘅本地啤酒。
品牌香港城釀將花朵帶入啤酒當中，推出城釀花墟系列作品。釀造出桂花啤酒 Osmanthus Pale Ale 及茉莉啤酒 Jasmine Pale Ale。
桂花啤酒採用香氣濃郁嘅金桂花，香氣突出、濃郁。 但酒體輕盈，令人想一飲再飲。
茉莉啤酒入口有少少回甘，香味來自釀造前冷浸香片2星期，慢泡而引出淡淡清香。
露營時候一邊睇住大自然花草樹木，一邊品嚐，鼻腔舌尖都有花朵清新香氣，遠離繁囂，盡情放空，就係咁簡單。
露營必須酒! 歡迎大家留言，分享去露營嘅時候會鍾意飲咩酒同埋有咩美酒推介呢?
約定大家，我哋營地相遇啦!
**以後關於露營圖片及分享，記得打Hash Tag（#HKHKCAMP）