農曆鬼節已到，小編見到有唔少谷友好用勇敢咁去咗露營，好佩服你哋嘅勇氣！嚟到鬼節梗係要再分享一下露營鬼故啦，等大家夜晚嘅時候可以睇一睇，到底有幾恐怖呢？而你又有無遇過呢？又有可能下一次到你.......
鬼故一：谷友Dxxxxx Wong分享：
《1. 青爬石露營,有女孩偷望我瞓覺？》
幾年前有次去青爬石露營，上到去晚上時間，食完準備好曬啲嘢準備訓教，當時晚上大約十一二點左右，好記得當時用嘅營為six moon designs lunar solo 因為佢嘅設計比較適合單人solo 當晚十分之寧靜，靜到一啲奇怪，好記得當時為夏天加上係X位，理論上個一個係無人會到露營，到左差不多兩點左右，外面有人講嘢，我就醒左啦，打開個營照一照發現外面係無人，我當時以為有人會偷嘢，我就半打開眼訓覺，不久就聽到到人聲好接近個營一個大人加一個小朋友，當聲越嚟越接近佢哋講嘢，相信係佢哋溝通緊，但聽到好奇怪咁，講嘅對講內容好似一舊舊咁，講得好慢，完全聽唔到佢講乜，到聲音十分接近，我想起身發現全身喐唔到，我只好用半開眼方式，觀察住營底下啲餐具，發現有一個圓形嘅女仔小朋友係度偷偷地睇我訓覺，我大聲講有人係度，但講唔到，全身上下都郁唔到
如是者維持咗段時間，個小朋友耐不耐就係度偷睇我，但個樣十分之模糊，就好似去左冒險樂園咁玩緊打地鼠遊戲，個小朋友不斷左右兩邊偷望我，我又郁唔到，唯有繼續扮瞓覺，突然出現一陣好大嘅風，吹埋我隻營度，我就爭扎得到可以郁，一醒當時立即睇睇手表大約清晨4：30分，到營外面，睇下有無其他營友，原來空無一人，再周圍睇睇，係遠處就見到有個小型燒街衣龍捲風，吹住係度旋轉，我睇左一眼就無理度，入返營入面訓到天光就執嘢到下小巴到返西貢......
鬼故二：谷友Miss Mxxxxx分享：
《2. 塔門露營，深夜聽到外面傳來操兵腳步》
大約5/6年前，我跟朋友一齊到塔門露營，當時到塔門露營嘅人唔多！而我哋都係經常到塔門露營嘅，但個日非常深刻，當日如常大概12點傾完計瞓覺，我好快就訓著咗，突然朋友叫醒我佢好驚，我問佢發生咩？佢不停咁問：你聽唔聽到出面有聲？你聽唔聽到出邊有聲？但過咗一陣我都發現唔對路！
因為我聽到嘅係一群人嘅腳步聲，我睇吓錶當時大概是凌晨三點，而我肯定瞓覺嘅事後附近都係得一兩個露，無可能有咁多嘅腳步聲，最恐怖嘅係啲腳步聲越來越近，嗰種腳步聲係勁似人哋嘅操兵聲，之後我哋互相對望唔敢出聲，我曾經諗過出去睇但好驚見到唔知啲咩，後來腳步聲真係經過我哋嘅營，個心都震！亦都有諗過係咪牛？但由於實在太驚都係決定唔開出去睇，心入面不停講對唔住唔好意思，最後腳步聲慢慢消失，到天光決定出去睇吓，但咩都見唔到，後來就瞓咗覺，再扎醒嘅時候已經係朝早八點，我哋去問隔離嘅營友問佢地聽唔聽到有操兵腳步聲，佢地話咩都聽唔到，個次真係好驚，後來都聽過其他朋友去塔門露營時聽過操兵腳步的經歷。
如果大家有更多鬼故或其他有趣嘅事情想分享，歡迎隨時同我哋講～
各位，我哋營地相遇啦～
**資料來源: 香港人露營分享谷谷友
**相片來源： google
**以後關於露營圖片及分享，記得打Hash Tag（#HKHKCAMP）