去戶外其中一件好玩嘅玩具相信會係航拍機,如果大家有睇我哋之前拍攝嘅DJI NEO航拍機開箱片,NEO除咗輕巧細小之外,其中一個賣點就係AI跟隨拍攝,啱啱Dji又公布咗最新嘅航拍機Dji Flip,將NEO不足嘅地方完美提升,當大家覺得NEO嘅畫面唔夠用,穩定性開始滿足唔到你嘅時候,你已經唔係新手係時候升級啦。


Dji Flip有齊AI加高規格鏡頭
Dji NEO嘅成功原因在於價錢合理,簡單嘅AI操控,令到唔少人再次玩返航拍機。相信Dji亦都見到呢個情況,陸續推出相對高階嘅版本,應付唔同需求。Dji Flip保留住簡單操控及AI跟拍模式之外,鏡頭亦升級至1/1.3" 感光元件,支援 4800 萬像素照片拍攝及雙原生 ISO 融合,配合 f/1.7 大光圈及 2.4μm 四合一大像素, 影像全面升級,f/1.7 大光圈意味着,夜景拍攝亦都會非常唔錯。 影片方面支援4K/60fps HDR影片同4K/120fps影片,仲有D-Log M模式,對於拍攝有要求嘅朋友,Dji Flip畫面質素相信可以滿足到你。另外重量控制於249g,香港唔需要註冊就可以玩,呢一點好重要。機身前方內置咗紅外線傳感系統,過往NEO就只有底部有傳感系統,相信更有效避開障礙物,玩得更安心。

Dji Flip外表有啲怪?
同NEO一樣採用全包圍槳葉保護罩, 為咗提高飛行穩定性,使用咗更大嘅槳葉,巧妙嘅設計可以將槳葉摺疊,令到飛機近易收納, 雖然有啲怪怪地睇慣就冇問題。 價格由$3049起貴過NEO$1000左右, 但規格提升咗咁多,格價格都好合理,有興趣嘅朋友不妨留意下。

Comentários