55年經典進化・Jimny推限量版全球55部！告別歐洲

Suzuki喺法國推出Jimny 55th Anniversary edition ，全球限量 55部，向半世紀嘅越野精神致敬！限量復古綠車身 + 專屬金色輪軨、55週年徽章，細節滿載「復古潮味」。短小精悍嘅經典越野車， 一直都係露營最佳拍檔，後座一摌秒變「流動儲物倉」，放齊裝備隨時出發！

即時follow我哋IG或者Facebook・解鎖更多潮流、山系、戶外與露營資訊。

歐洲玩完？法國最後召集！

新一代Jimny無論雙門定四門版，喺香港同日本都極受歡迎，但有所不知，係歐洲因為排放規範愈來愈嚴苛，搞到要轉做「商用車」先賣到，最後都頂唔住上年全面撤出，不過法國Suzuki突然玩「復活節彩蛋」，短暫再度推出55週年限量版得55部，唔係「告別作」咁簡單，直頭係歐洲最終章嘅Jimny，仲有四隻色俾你揀。賣完依55部正式告別歐洲市場，唯有等待純電Jimmy面世。

55周年限量版以Privilège版做底，裝備真上有發熱座椅，藍牙連接、車道偏離警示、自動高燈等⋯不過要講明，中控仲係傳統主機，冇大螢幕冇touch screen夠晒raw，但係咁先夠原汁原味吖！真正Jimny玩家邊個會care？

photo：hdmotori