top of page
  • 作家相片HKCAMP

DOD新品!型格廚師架・露營屋企都岩用

已更新:2月19日

DOD一直多Fans2024新產品經已靜悄悄上架啦!一眾DOD迷一定唔可以錯過!大家有冇諗過去露營煮大餐,都可以煮到好似屋企廚房咁方便呢?一齊睇睇DOD最新出嘅露營廚房架啦。

首先睇睇佢特別嘅設計,方便大家帶埋屋企廚房嘅用具同調味料去露營!唔洗擔心有野唔記得帶,仲可以用返慣常嘅煮食工具,廚房架仲有好多實用嘅功能,方便大家輕鬆野炊。


佢嘅尺寸比以往同類產品細好多,重量都輕咗43%,更方便攜帶。而且佢仲可以分成兩部分, 間隔鮮明,一邊可以放調味料,一邊可放廚具, 非常清晰。





 

色靚又實用!細節位多!

除咗以上嘅特色之外,呢個廚房架仲有好多實用嘅細節。例如,佢有個可以拆除嘅刀架,唔用刀嘅時候都可以用嚟放其他嘢。而家仲有個專放調羹、攪拌棒同糖包嘅地方,方便收納細小嘅物品。大家仲可以喺度放保鮮紙同錫紙,整齊又方便!

呢個廚房架嘅色彩都好豐富,有黑色同埋啡色兩款選擇。佢設計方便,可以貼磁鐵,仲可以貼埋磁鐵計時器等等係上面(不過要注意,相片內嘅工具唔包括喔!)




尺寸真係好啱香港用,總重量約1.9kg,唔算輕,但尚可接受。


呢個DOD型格廚師架!係露營必備之一。屋企廚房或帶去露營,都非常實用方便!無論你係咪DOD迷,都適合帶佢返屋企! 售價: 8800円 顏色: 沙色/ 黑色 https://www.dod.camp/product/mk1_018_bk/



Comments


bottom of page