FUJIFILM X Half人氣半格相機・露營行山影相更有儀式感

HKCAMP
6月2日
讀畢需時 2 分鐘

最近富士最新數碼相機X Half，一出即成熱話，講緊佢個全新「半格」概念！以復古情懷為基調，巧妙融合現代科技向半格底片攝影致敬，重新定義影像創作的無限可能，X Half機身輕配合唔同玩法絕對係戶外、旅行有feel拍檔。

即時follow我哋IG或者Facebook・解鎖更多潮流、山系、戶外與露營資訊。

先講講規格・再講Feel

X Half彩用1吋感光元件（1,800萬像素），垂直構圖3：4比例，唔使轉手機都直Post IG，仲內置「雙幅模式」將兩張相合成一張講故事，露營時紀錄煮飯、行山嘅連續畫面勁有Feel！復古外型樂靚仔。使用定焦32mm F2.8鏡頭（等效35mm），機身連電池約240克比一罐汽水仲要輕，輕裝上山首選！

秒變菲林機・「菲林相機模式」儀式感滿分

其中小編最愛「菲林相機模式」，打開後螢幕會變黑，只能用觀景窗構圖。要先預設「菲林張數」（如36/54/72張），每影一張後要㩒過片撥桿模擬菲林過片，影完前唔俾睇相！有菲林機「影完等沖晒」嘅期待感，影晒之後可以喺手機一次過睇返。

重點13款士經典菲林模擬

買富士相機其中焦點係菲林模擬，今次X Half內置13款富士經典菲林模擬如: Velvia、Classic Neg，直出JPEG已經有濃濃復古味。戶外露營必試「光漏濾鏡」（Light Leak）同「過期菲林效果」，陽光穿透樹影時會出現夢幻紅光、夜晚用營火做光源，相片邊緣更有隨機漏光，模仿菲林機嘅不完美美感，暫只有X Half比到你！