top of page

2月浪漫活動推介 | 大埔LAKE HOUSE 鬱金香花海!

已更新:2月16日

一連串嘅新年慶祝活動、朋友聚會正玩得如火如荼,正當你意猶未盡、仲沉迷喺四方城、魚蝦蟹入面,原來不經不覺已經2月中,今年中式、西式情人節咁岩都係正2月,正係度煩緊有咩活動可以安排,仲有咩餐廳有位訂枱嘅時候唔洗心急,或者可以考慮下大埔LAKE HOUSE嘅「Lake House Starlight 2024」,無論係今日正日西式情人節,抑或係今個星期六日預祝中式情人節,都可以同你嘅致摰愛好好咁慶祝。


鍾意睇更多露營資訊記得俾個like我哋IG或者Facebook




大埔LAKE HOUSE前身為小白鷺湖互動中心,除咗擁有優美大自然風光,歷史古蹟嘅外表都吸引唔少人到場打卡,近年更成為香港其中一個受歡迎嘅婚宴場地。



LAKE HOUSE 同往年一樣,預備新年同情人節活動,掛上喜慶燈飾之餘,亦係白鷺湖邊設置近5米高嘅桃花樹,要行返個桃花運就記得要嚟轉一圈喇!



要享受甜蜜時刻,點少得一個靚靚打卡位,LAKE HOUSE園區內種植超過三千朵不同色調嘅鬱金香,就算未去到荷蘭嘅鬱金香花田,都可以近近地打下卡,放下閃光蛋,一樣充滿情調。



除咗鬱金香,場地更佈置幻彩燈飾,紅橙色燈籠海,煙霧打咭裝置等等,而且活動為寵物友善活動,想帶埋主子一齊打卡、散步都無問題。



活動舉辦至2月18日,門票$30一位,即日發售而且不設預約,所以要去就要趁早,影相少人啲、影都影得靚啲喇!如果預訂埋Le Vow/Billow餐廳嘅情人節套餐,更加可以免費入場,有靚景又有好野食,一定滿意。



交通方面,LAKE HOUSE亦有提供免費穿梭巴士服務來往大埔墟港鐵站,咁就唔怕要舟車勞頓,搵車搭攰親身邊摰愛喇!


LAKE HOUSE

日期:即日起至2月18日

時間:12noon - 6pm (最後入場時間: 5:30pm)

地址:新界大埔滘紅林路2號(地圖按此

費用:於Le Vow/Billow餐廳消費免費進場,現場購票$30/位(額外活動另購代幣: $20/個)

交通:接駁巴士及位置資訊:www.lake-house.co/access-us

查詢電話: 2657 6628 (WhatsApp)



 

** 以上圖片及資料來源: Facebook @ Lakehouse

** 以後關於露營圖片及分享,記得打Hash Tag #HKHKCAMP



*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此


開季啦! 一文睇哂!2023香港私人露營場地總覽|內付地圖比你慢慢睇~ 請按此!


露營想拍下開心回憶, 一部全方位又輕巧嘅相機一定要有!

댓글


bottom of page