HKCAMP日本露營資訊！小編之前去和歌山露營， 當中有一個特別推介俾大家， 適合新手同埋價錢非常抵就可以輕輕鬆鬆露營，租用snow peak帳篷，聽住海浪睇住星星，小編所講嘅親試去日本玩過嘅係FRONT110
唔少朋友心思思想去日本露營， 不過去露營亦都會有好多問題衍生，例如: 係咪需要自己準備露營用品、 點樣book場地、 垃圾如何處理、需要自備啲乜嘢等等⋯⋯ 所以今次小編介紹和歌山一個 好方便露營嘅地方，至少小編親身去過感受過先推介俾大家，仲可以租借snow peak 露營用品一條龍服務， 對於初次想去日本露營嘅朋友嚟講亦都相對簡單， 對住藍天白雲同埋一片海景露營真係好爽， 而且呢度非常寧靜絕對係一個露營好地方。
*感謝上次贊助專營日本遊旅行社RTG， 更有專人在長注日本，想訂日本露營場可以搵RTG TRAVEL
日本大草地紮營
就連室內都係露營主題
FRONT110其實，係観光案内所？
去和歌山玩嘅時候可以計劃兩日一夜行程喺呢度露營，FRONT110其實係周參見町觀光案內所， 前身係一個警察局！ 經過翻身同改變就變成現時嘅FRONT110， 呢度為遊客提供露營、租單車、 觀光推介、 休息地點、 以及唔同嘅戶外活動。 當日我哋除咗露營之外仲有玩過獨木舟， 絕對係一個日本另類體驗。 而有別於一般私人營地，因為呢個係觀光案內所嘅地方，所以對於遊客絕對更適合新手去日本露營。而露營地方就係案內所對出海灘前大草地， 景色非常優美對住沙灘露營，仲可以游水＋BBQ ＋ 露營， 好過租酒店。
望落去似唔似警察局呢？
呢度啲水非常清澈
案內所全部都係Snow peak，完全免費所有人都可以入嚟打打卡同休息。
FRONT110內亦有飲品發售
貓貓都好好活潑
超值價錢可以感受日本露營？
露營場地非常抵玩， 收費6,000円一個營位可 容納6至8人，check in13:00〜16:00 第二日11:00check out， 對於遊客嘅我哋另一樣重點，就係可以租用到snow peak露營用品， 仲可以訂BBQ套餐，一條龍服務簡單輕鬆感愛日本露營， 絕對適合初次去日本露營嘅朋友。 小編計過咁樣玩露營分分鐘平過住酒店， 建議嘗試埋佢嘅BBQ套餐， 其中一款豬肉係和歌山特產超好食，咁親可以享受係日本露營，仲可以試用到snow peak用品，真心正！
大家可以直接喺FRONT110官方網站直接Booking， 當然內裏有啲細節，如果唔識日文需要協助亦都可以搵RTG TRAVEL代訂， 佢哋只會收取好少嘅手續費。
〒649-2621 和歌山県西牟婁郡すさみ町周参見4581-14
+81739343200 *有車位提供
約定大家，我哋在世界各地嘅營地相遇啦！
**相片及資料來源：HKCAMP、Susamifront
**以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube