top of page
  • 作家相片HKCAMP

makita牧田唔係只出裝修工具・原來仲有露營系列?

已更新:1月15日

一聽到makita只會聯想到裝修工具電鑽等等⋯⋯但原來makita係有露營系列?估佢唔到?就連無線微波爐都有?今次同大家開箱一系列露營/戶外產品,講明先比較適合有車人士去汽車露營及車中泊時用。


makita牧田係一間日本電動工具生產商,HKCAMP同大家一齊開箱睇哂五件makita 無線電器,絕對幫到你去露營、車中泊或戶外活動! 有啲見估佢唔到嘅產品,例如無線微波爐、 無線咖啡機, 另外仲有冷暖流動雪櫃、露營燈、風扇等。而今次露營食買玩系列,都有拍開箱試用片,可以睇片支持一下。


如果睇中佢嘅產品,用我哋嘅優惠碼【HKCAMP】有5%優惠記得用。


鍾意睇更多露營資訊記得俾個like我哋IG或者Facebook





 

makita人氣無線咖啡機


makita無線咖啡機係外國非常受歡,未必一定係去露營唔少人都會將佢放喺屋企或者帶去公園野餐時使用, 亦都唔少人因為喜歡呢個品牌所以買入咖啡機, 重量方面約1.9kg! 而且有手柄攞住佢都尚算輕鬆。




makita無線微波爐


呢個真係誇張,去露營會唔會需要微波爐? 呢個就見仁見智,但無可否認佢係一個好特別嘅產品,真係可以 係一個了無人煙嘅地方隨時叮嘢食, 雖然係無線 亦可以提供到500W輸出功率。 雖然佢一啲都唔輕約8.9kg, 為咗方便大家攜帶亦都會附設孭帶,方便大家拎出戶外使用。


makita便攜式冷暖雪櫃


呢個相對真係好適合露營使用, 能同時保溫及保暖,可以自行調校-18度至到60度。 無論你係想買海鮮去BBQ、買雪糕或買外賣保溫, makita便攜式冷暖雪櫃都可以解決晒。




makita多功能露營燈


呢個感覺幾適合露營, 首先佢嘅燈光好足夠而且同時具備藍牙喇叭功能,音色一啲都唔差。亦有收音機同USB充電功能, 去露營可以拎少一個充電寶又可以提供足夠嘅燈光。 外型唔差,帶有粗獷越野質感。


makita風扇


相對過往嘅露營風扇,小編就覺得makita 好實淨可能係因為佢用製作電動工具嘅概念放咗去, 風力一啲都唔弱可以話係好強, 而且可以自動180度咁樣吹風, 都幾適合夏天放喺帳篷入邊令到更多空氣流動,但其實 除咗去露營都可以拎去地盤或屋企用,係一件好實用嘅電器。


總結:

makita牧田由1915創立, 已經有100零以上歷史。 可以話係工程界無人不識嘅品牌, 產品耐用性、堅固性 完全唔需要懷疑。 所以佢哋出嘅露營系列產品,分分鐘仲耐用過露營品牌, 而且亦都冇咁容易損毁,小編當日試過真係好實淨。


雖然露營我哋未必會想係佢,但今日之後不妨將makita作為露營或戶外用具產品之一, 佢係電器相片俾你嘅信心一定高於其他露營品牌。


*記得用我哋嘅優惠碼【HKCAMP】, 購買makita 嘅所有產品都有5%優惠


photo: sky@hkcamp

text: sky@hkcamp movie: hugo model: miko


特別鳴謝拍攝場地: 綠行烏露營場




bottom of page