上星期Sony公布最新全片幅無反相機α9 III，小編一向都係愛拍攝嘅人！之前去日本旅行、露營拍片， 大部份都係出自於Sony嘅相機，所以今次公布小編都非常期待咗睇住YouTube直播，又同大家分享一下啦。
Sony α9 III 配備咗全球首款具有全域快門系統嘅全片幅層疊式2,460萬像素 CMOS 影像感測器。新開發嘅Exmor RS™ 影像感測器能同時曝光和讀取所有像素，令相機可以捕捉到高速移動的主體，同時絕無失真。更有最高達 1/80000 秒（連拍時為 1/16000 秒）嘅快門速度，係自動對焦情況下，實現每秒120張的即時拍攝， 性能相對上代 A9 II 提升 8 倍。
拍攝更得心應手
同之前ALPHA系列一樣，α9 III亦加入AI人工智慧輔助識別功能，包含可辨識畫面中的人像、動物、鳥類、昆蟲、飛機、車輛等拍攝主體。小編先前入手A6700已感到呢個AI嘅厲害之處，對於唔同場景拍攝非常方便。
拍片方便支援原生4K 120p影片拍攝，以6K超取樣形式拍攝4K 60p影片，另外也支援拍攝10 bit 4:2:1 All-I規格影片，可輸出16 bit RAW格式檔案，並且支援套用S-Cinetone與S-Log3， 同時具備 5 軸影像穩定技術。更有齊雙記憶卡槽，對專業拍攝嚟講好重要。
A9 III 定價目前定價為 5,999 美元（約港幣＄47,000元），將於 2024年春季發售，香港方面暫未有日期公布。
*相片來源: SONY HK