Ford 公布完Transit Custom Nugget之後，又再度引歐美露營車嘅熱潮同埋話題。法國汽車品牌Citroen 亦都公布，推出坐一架外表比較特以復古造型嘅《Type Holidays》回應露營車市場，外觀玩藝術路線，好唔好睇就見仁見智，但意味着Citroen即將加入露營車競爭行列。
從官方圖片睇到，整架露營車以銀色為主，車身有一啲條狀嘅裝飾，小編覺得佢係一個旅行喼。 雖然外表比較出眾，但係內裝絕對實用、齊全，其中一個賣點係可以應付四人同時睡覺， 一家大細揸住佢四圍冒險。
露營車專家Bravia Mobil 提供意見
為咗呢一架車Citroen搵咗露營車專家 Bravia Mobil，為Type Holidays 加裝露營車嘅升降車頂，創造可供兩人休息嘅舒適空間，車內更擁有180 度旋前座、摺疊餐枱、 雪櫃、 爐頭等等⋯⋯ 下層亦都可以隨時變成雙人床， 另外值得一提車內亦都配備咗Webasto電熱系統，可在低溫環境中，保持車內溫暖，令到你係任何環境下都可以隨時享受自己嘅露營車之旅。
整架車高度不超過兩米，好適合喺任何狹窄或者細小的路段上行駛， 非常靈活！ 睇完之後真係好吸引， 亦都證明咗露營車有佢一定嘅市場，可以令到人更加自在咁四圍去旅行及露營， 再進一步嘅資料將會喺2023年尾公布，希望到時會有正式售價及銷售時間表。
所有圖片來源: https://www.motor1.com
