小編知道好多朋友都鐘意露營嘅時候，嘆返杯濃濃嘅咖啡， Chill一Chill。 專門出產咖啡嘅Kaldi除咗出品咖啡出色之外， 最近佢哋仲踐過畀，做埋露營用Mestin加米飯套餐，讓大家可以嘆到佢嘅招牌咖啡之餘， 仲可以用埋佢嘅Mestin黎煮米飯。
Kaldi新推出嘅人氣「Mestin de! Rice set」，包一個Mestin，可以製作出海鮮飯及甜點，去露營真係啱哂！
Mestin紅色手柄加橡膠帶，蓋上刻有“KALDI COFFEE FARM”標誌及樹圖案，可愛感大大提升。容量方面，尺寸比Trangia大小小。Mestin表面有塗層，可以減少發黑、燒焦和鋁嘅氣味。盒及蓋都可以直接用廚房清潔劑清洗，超方便。
隨Mestin附有海鮮飯原料及食譜， 大家跟住做就可以係露營及野外製作出美味嘅海鮮飯啦! 不過要留意， Mestin 無水位刻度，帶去營地嘅時候，小心唔覺意落多咗水啦！
Mestin另一個用途係當成飯盒使用，可以放麵包，三明治，水果。 再用附上嘅橡膠帶綁好就穩陣哂！
除咗可以明火烹調外， 仲可以燉，烘烤，煮沸， 冷藏。所以功能上無得輸，一個搞掂哂。
Mestin de! Rice set
Mestin:
尺寸: 寬17.1 cm x 深 9.6 cm x 高 6.4 cm
物料：（主體及蓋）鋁; (手柄) 不銹鋼, 矽橡膠
容量: 800毫升
海鮮飯包
成分： 魚肉、蝦、炒洋蔥、海鮮調味提取物、鹽、番茄醬、雞肉提取物、龍蝦醬、橄欖油、蒜末加工品、香料、魚露（魚貝類） )/增加粘醬（加工澱粉）、調味料（氨基酸等）、（部分包括蝦、奶成分、雞肉）
容量： 100g
滅菌方法： 密封於密閉容器中，加壓加熱滅菌
小編去露營都用開Mestin。 貪佢盒身夠哂薄身， 傳熱快，而且一個搞掂， 超級方便。有用過嘅朋友，大家懂的！
雖然日本一出就搶購哂， 但希望快啲返貨，大家就可以買到啦！
約定大家， 我哋營地相遇！
*相片及資料來源: Kaldi
**以後關於露營圖片及分享，記得打Hash Tag（#HKHKCAMP）