香港露營限制多，亦因為地方細所以可以露營地方唔多，所以唯有得閒睇吓外國露營YouTube頻道，有啲真係睇到唔捨得訓，因為太正啦，所以遲啲開關旅行營露一定會係小編嘅選擇。
夏季可以話係露營嘅淡季，露開營嘅朋友好多人都轉戰水上活動，但唔啱水上活動嘅朋友就要等待秋季來臨，呢個時間不妨上YouTube發掘世界各地露營頻道，回味一吓感受一吓，準備露營開季，等小編又分享一下平時會睇嘅Camping YouTube Channel真心正，希望大家都啱睇啦。
不過由於世界各地露營頻道太多，所以先由日本編開始，一定最有親切感。
日本Camping YouTube Channel
日本出名多露營地方而且景色優美， 所以有好多相似嘅露營頻道，不過小編就獨愛呢幾個頻道，真心推介呀。
1. 少年かむい
少年かむい擁有27.4萬訂閱，係由一名日本人由東京出發單獨去露營嘅分享，景片輕鬆舒服，會介紹日本露營場地，又會有唔同嘅裝備推介，仲有野炊推介當中更有搖曳露營嘅情節。小編最記得就係呢條片，連續一星期圍繞着富士山露營，如果會去日本露營不妨考慮跟佢嘅路線。
少年かむい另一條片更特別！就係挑戰一星期7日用Messtin煮食
2. 伊豆のぬし釣り
37.6萬訂閱嘅伊豆のぬし釣り，由兩位男士組成，好多露營野炊片！當中分享美食同二人一同飲酒嘅露營經歷，睇完又會好肚餓，另有露營用品開箱試用介紹，相當有趣。當中小編印象最心就係係雪地露營，小編都好想試去雪地露營。
係雪地露營， 大風雪下如何渡過呢？
3. タナちゃんねる【ソロキャンプ動画】
タナちゃんねる【ソロキャンプ動画】小編因為下面呢條無人島露營而認識佢，頻道有24.5萬訂閱，主要係SOLO露營一個人周圍去，同少年かむい風格好唔同，以大自然為主題無背景音樂，純粹感受大自然嘅聲音，享受SOLO時光。另外更有露營用品使用比較等⋯⋯實用資訊，頻道相當豐富。
小編推介呢條片，日本100YEN店選購如70款露營用品介紹，好實用。
介紹完大家最鍾情嘅日本，我諗都有排你睇啦！下一站我哋一齊去韓國，睇睇當地最正嘅露營YouTube頻道，又同日本有咩分別呢？約定大家， 我哋營地相遇!
**以上圖片來源: 少年かむい
**以後關於露營圖片及分享，記得打Hash Tag（#HKHKCAMP）