HKCAMP
- 2022年9月8日
- 已讀 2 分鐘

全新Insta360 X3發佈！戶外活動、露營拍出高質全景影片。

已更新：2023年11月3日

熱愛影相又鍾意玩戶外活動及露營嘅朋友, 一定會明白一部好嘅運動相機真係可遇不可求! 唔知呢部全新推出嘅 Insta360 X3 全景運動相機又啱唔啱大家口味呢?

現今社交媒體普及，人人都係「創作者」，個個都講求獨特性及創新。於今日正式發佈嘅Insta360 X3就最適合不過，距離上一代Insta360 One X2不經不覺已經兩年，Insta360 X3 規格全面提升，相信一定可以拍出高質全景影片。

配備全新 1/2" 4800萬像素感光元件、2.29” 觸控螢幕及多款創新功能

講講新機嘅賣點，Insta360 X3支援運動 HDR 拍攝 5.7K 全景影片、隱形自拍棒效果及7200萬畫素照片，高清記錄當下所有景象，。同時可以好似標準運動相機一樣使用單鏡頭模式，拍攝清晰極廣角 4K 畫面。 Insta360 X3 外觀設計基本上與上代設計相似，但機身上屏幕由 1 吋圓形設計改為 2.29 吋方形觸控屏幕，屏幕更大的確方便咗。

感光元提升畫質

憑藉全新運動 HDR 模式及 1/2" 感光元件，Insta360 X3全景影片畫質亦有提升。運動 HDR 使用創新性算法來穩定動作片段、減少重影，及呈現其他運動相機未能夠保留嘅高光及陰影細節。

另一個重要功能，就係相機嘅雙鏡頭設計可以實現隱形自拍棒特效。每當使用隱形自拍棒拍攝, 機內獨有技術將會自動將自拍棒消失係畫面當中，一個人都能輕鬆拍攝空拍視角及第三人稱視角。而今次推出嘅全新跟拍模式，將無需重新運鏡即可拍攝具有隱形自拍棒效果嘅 60fps 影片。啟用該模式後，相機將焦點放係人物身上，同時將自拍棒自動隱形。