係3月18日及25日，HKCAMP好高興能夠參加金鐘賽馬會禁毒天地嘅活動，同大家分享露營心得。今次係一場輕鬆嘅分享會，希望可以讓更加多朋友了解香港嘅露營活動、文化、環保露營以及露營用品體驗等等⋯⋯
再次感謝賽馬會禁毒天地邀請，經過呢兩日開心互動後，HKCAMP發現原來好多人都想試試去露營，但唔知道點樣開始。另外都有唔少朋友多年前曾經玩過露營，依家好想重新再玩。大家都分享咗自己露營嘅趣事，讓呢個活動更加有意義，希望大家都有所收穫啦！
*以下係分享會當日嘅情況，我哋特別分享咗一啲露營小貼士比露營新手。
HKCAMP分享露營嘅快樂時， 參加者亦都好開心分享自己第一次露營嘅經驗， 原來大家都試過落雨露營，真係好狼狽，但都非常印象深刻。
呢位年青人已經玩過幾次露營，仲分享咗落大雨露營嘅經驗。
對露營嘅感覺就係快樂
香港生活節奏比較急促，工作壓力亦都相對大，難得可以去到郊外露營，大家都可以放鬆、感受大自然， 另外都可以同朋友一齊享受美食、傾傾偈，呢啲都係露營嘅一大樂事。
同大家傾傾露營嘅好處， 唔少參加者都認為，身處大自然煮嘢食係一件好開心嘅事！
最後，有以下少少溫馨提示比新手或者再次露營嘅朋友，希望大家汪意汪意：
- 露營用品先租後購買， 試過後覺得合適先選購，咁就唔使浪費啦。
- 記得愛惜大自然，保護大自然嘅一切，露營離開時記得自己垃圾自己帶走，保持山野無痕。
- 去露營前做足準備， 遇上惡劣天氣等等，記得要量力而為，安全最緊要。
分享會最後仲有露營用品體驗環節， 參加者都充滿好奇，左睇睇、右睇睇，一齊試試現時嘅露營用品，感受唔同嘅露營用品設計。
唔少參加者係未接觸過露營之前都會覺得好困難，希望日後HKCAMP會有更多機會， 同大家分享露營嘅開心事。
金鐘賽馬會禁毒天地
呢個分享除咗分享露營嘅樂趣之外，最重要是希望大家身心健康、遠離毒品！ 如果大家有時間嘅話，都可以嚟金鐘賽馬會禁毒天地參觀一下， 佢哋係對外開放嘅，而且地方好大，有好多唔同嘅資訊同活動。
介紹返賽馬會禁毒天地
約定大家，我哋在世界各地嘅營地相遇啦！
**相片及資料來源：HKCAMP
**以後關於露營圖片及分享，記得打Hash Tag（#HKHKCAMP
想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube