上星期六HKCAMP被邀請到車中泊露營社嘅Party， 有好多人一齊玩包括佢哋嘅成員、同朋友，當日更係慶祝《車中泊露營社》正式成立， 同佢哋幾個核心成員傾偈先知道，原來由第一次車中泊聚會到而家已經有一年多啦，由於大家都熱愛車中泊同露營，所以變成好朋友，更想一齊做啲野，所以成立協會身心力行。
當日都幾開心，有舞獅、live band、切乳豬等⋯⋯環節， 大人細佬一齊玩非常熱鬧。
為什麼要正式成立協會？
車中泊露營社成員來自四方八面， 每人都有唔同長處，大都都閒時會喺唔同地方車中泊，係車中泊其間發現好多唔同嘅難題，希望可透過車中泊露營社，令唔同嘅人知道車中泊樂趣，同時遇到問題可以一齊分享一齊諗方法解決，另一方便下一步想透過唔同活動或義工，令更多人知道香港都有自已嘅車中泊協會，成立係為咗熱愛就係咁簡單。
小編又點會錯過睇靚車
每架車都係車主嘅小天地，用心打做
同露營一樣・開心最緊要
由單獨一人享受車中泊到一群人一齊玩， 完全係兩回事！所以開心最緊要， 而且小朋友有個伴放放電，大人又可放鬆吓吹吹水。 其實同露營原理一樣一班人開開心心過返晚， 非常期待佢哋之後嘅義工活動，如果大家對車中泊有興趣不妨加入《車中泊露營社》。
**相片及資料來源：HKCAMP
**以後關於露營圖片及分享，記得打Hash Tag #HKHKCAMP