作為新手營友，相信第一次出黎露內心一定心裡心裡有個迷! 到底露營要帶咩去? 事前有咩要準備同留意？ 咩營帳適合新手？ 什至係要煮咩食物，要唔要係出發之前話比你信任嘅人知，等等一連串懷疑人生嘅問題！
我哋呢個只係好初階嘅分享，好希望老手們提供更多嘅意見！等我哋有更好嘅資料同大家分享。
唔好諗呢啲資料係人都知，但總要有人講係咪先，新手入坑系列露營BB班，新系列希望用簡單嘅文字，同大家分享下露營小百科。等一眾新手可以露得開心又放心！
新手入坑系列第一章就講講，到底要點樣選擇一個好地方黎扎營呢？
扎營之前, 要先睇睇環境
相信大家到達營地之後，都會急不及待扎營。但係唔同地區都有扎營禁忌: 河邊、峽谷、懸崖下、河灘以及排水唔好嘅地方，通通都係扎營禁忌，新手要盡量避免係呢類型環境露營啦。
如在必須在海邊扎營，請了解當中嘅潮水潮汐漲退時間，可到天文台睇睇先出發。
(露營時, 欣賞河流溪澗之餘, 都要小心觀察環境. 如果到海邊, 就要留意潮水潮汐漲退時間啦! )
(係山上, 遇嘅時候, 都要留意前路會唔會有懸崖峭壁. 特別打卡個時, 都要小心為上)
尋找唔會積水及通風好嘅地方
人在野，露營時要選擇比平原高嘅地方，唔積水係非常重要，試唸下如果帳篷下積水即使鋪設雙層地蓆或者防潮墊，都會無濟於事。
另外就係要通風，香港天氣濕又熱，係陽光好猛烈嘅時候，帳篷內部溫度可能會升到好高，什至會導致中暑、脫水。所以要記得搵一個通風好嘅地方，好似樹蔭下就比較涼快，但要注意係大樹之下要小心樹枝脫落，同時都要留意有雷擊嘅危險。
移走礙物
當決定要係一個地方扎營之後，就要睇睇扎營位置有無大塊石頭，甘就可以確保大家可以訓個好教，訓得好先可以有精神感受戶外生活。
但新手一定要記住唔好逞強，最好可以約埋有露營經驗嘅朋友一齊去，大家有個照應。如果無經驗記得唔好Solo呀，無照應係非常危險，如果露營時遇到大風雨，更加要識得撤退啦。
露營BB班第一集完！多謝新手們睇，緊記任何情況安住為上，量力而為。
約定大家, 我哋營地相遇~
**相片來源： google
**以後關於露營圖片及分享，記得打Hash Tag（#HKHKCAMP）
Comments