唔係標題檔! Bundok三用 Cookset 又係鍋又係三文治機, 真係叫人愛不釋手!
作為一個鍾意野炊嘅Campers, 一定鍾意炮製唔同露營美食. 即係意味住, 需要帶上唔同種類嘅廚具. 眾多廚具中, 熱三文治機基本上係無代替品, 每次出門都要糾結到底帶唔帶佢出去! 最近小編發現Bundok三用 Cookset正正可以解決三文治機嘅矛盾!
Bundok 三用Cookset既係鐵鍋套裝, 又係三文治機! 一套6 件, 包括一個蓋子鐵板、一個薄鐵板、一個深鍋、兩個手柄同埋一個儲物袋, 基本上6件裝置都有用途, 疊放一齊鏗位易攜!
如何三用?
一個鐵板加一個手柄就係煎鍋.
想將煎鍋轉為三文治機, 只需要將蓋子鐵板加薄鐵板及2組手柄組合起黎. 薄鐵板及蓋子鐵板疊埋一齊尺寸大約 闊17.0cm × 深22.5cm × 高1.5cm, 手柄大約 闊3.5cm × 長15cm，係典型熱三明治機尺寸.
手柄有鎖定裝置, 唔怕食物會倒出黎!
當要轉做鍋嘅時候，將一個深鍋加上鐵蓋板及2組手柄, 就可以輕易組合起黎. 深鍋本身尺寸大約 闊 7.0cm × 深22.5cm × 高6.5cm, 容量大約2公升! 而且深鍋尺寸岩岩好夠放入麵包同即食麵, 唔怕壓醉啦!
唔同組合Mix & Match!
一般小型煮食用具套裝中, 鍋蓋同煎鍋係共用一個手柄, 所以唔可以一齊烹飪. 但Bundok三用Cookset, 煎鍋及鍋蓋係分開嘅, 同時有兩個手柄, 所以可以同時煮食. 而且可以蓋上鍋蓋, 一邊煲水, 一邊係煎鍋煎食物, 大大縮短煮食時間.
鐵製更堅固耐用!
顧名思義「鐵鍋套裝」係由鐵製成, 所以鍋具重量大約有1.3kg. 雖然唔算輕巧, 但鐵材質有高導熱性和蓄熱特性, 可以令食物烹飪更均勻, 煮得更加美味.
而且可以係營火上或直接係爐上煮食, 方便之外, 仲夠哂堅韌耐用!
鐵製用品缺點?
鐵製用品使用後, 唔需要使用清潔劑, 只需要用水清除污垢就可以. 不過一定要徹底擦乾, 係存放前於表面塗上一層油, 就可以防止生鏽. 唔好睇少呢個小步驟, 佢可以幫助保養鐵製用品, 如果唔係就會生鏽啦!
Bundok 三用Cookset
【材質】： 本體: 鐵 (矽樹脂塗層) / 手柄: 不鏽鋼
【尺寸】： 收納後: 闊 17.0cm × 深22.5cm × 高8.5cm / 深鍋: 闊 7.0cm × 深22.5cm × 高6.5cm / 手柄: 闊 3.5cm × 長15cm
【包裝】： 228mm x 173mm x 88mm
【重量】： 1.3 kg
** 以上圖片及資料來源: Bundok
** 以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
開季啦! 一文睇哂！2023香港私人露營場地總覽｜內付地圖比你慢慢睇~ 請按此!
露營想拍下開心回憶, 一部全方位又輕巧嘅相機一定要有!
Comments