上回講到出發去日本露營旅行前嘅小準備! 不過主角係露營喎! 到底去日本露營有幾多種類型可以體驗呢?聽講日本露營仲有私人溫泉，小編同大家逐一分析。
日本露營秘訣繼上次嘅小資訊後，今次同大家分析日本露營三大種類。而呢三種玩法都適合唔同嘅朋友，所以睇我哋呢篇文章，會容易作出最適合你自己嘅露營旅行方案，如果你遇到問題，都歡迎隨時問小編。
基本露營場地
顧名思義就係喺草地上邊進行露營，有免費嘅場地亦都有收費場地，而大家經常見到富士山露營嘅相片，大部份都係收費營地。因此小編建議選擇收費場地，話晒人生路不熟有啲咩隨時都搵到人問。亦都設有補給店，萬一有啲咩唔記得買都有個照應，加上設備亦都相對齊全。
所以如果想體驗日本草地露營，建議選擇收費營地，但有幾點係必須需要考慮。 1. 會否需要租借露營用品？ 建議: 係日本當地租借露營用品，日本多間知名露營用品。提拱租借及送達指定營地，免卻交收時間。
2. 場地周邊交通 建議: 如是日本自駕遊就問題不大，但非自駕遊必須注意交通便利問題。必須選擇有交通工具到達嘅場地。
3. 距離最近補給超市或便利店時間 建議: 雖然已經租借露營用品，但購買食材或突發性嘅物品都係有可能。所以出發前必須調查場地最近嘅補給地點是否便利，以及需時多久程會否好崎嶇。 4. 沖涼設施 建議: 日本露營場地一般設有熱水沖涼設備但需要付費，毛巾沐、浴露等等⋯⋯需要自己準備，如果唔記得帶就要在場買。
Glamping豪華露營
唔想甘hard core想舒服啲? 大家可以考慮Glamping豪華露營，Glamping豪華露營顧名思義就係可以好豪華咁享受露營，場地會為入住朋友預備好所有裝備及食材，大家只要拖行李入住就可以輕鬆體驗，呢個係最適合家庭或一班朋友嘅最好選擇。
豪華露營，係現時日本最火熱嘅露營選擇，亦都吸引咗唔少名牌酒店開設豪華露營場地，所以整體質素以及場地設施，一啲都唔差比酒店。 對選擇於豪華露營，大家對佢嘅疑惑，我哋一一同你分析: 1. 豪華露營需要是否須要帶備，個人自身用品。
建議: 唔需要帶備個人用品，例如: 毛巾、牙刷、風筒、沐浴露、護髮素、甚至棉花棒都有提供，亦都係豪華露營最大嘅優點之一。
2. 場地周邊交通 建議: 如是日本自駕遊就問題不大，但非自駕遊必須注意交通便利問題。必須選擇有交通工具到達嘅場地。 3. 私隱度較高 建議: 因為場地內嘅認為好少，所以大家可以享用嘅空間會好。另外某啲場地設有私人溫泉，真係高級享受。
係日本常見Glamping類型分別有小屋、小木屋、蒙古包 (波希米亞風帳篷)、平房，某啲大型Glamping營地仲會提供獨特體驗、例如樹屋、倒吊帳篷等!
Glamping豪華露營地通常都會為入住朋友預備餐膳，經典海鮮鍋、燒烤餐、和牛、日本當造水果梅酒都係必備嘅配置。
去日本想露得招積，大家可以參考一下小編之前介紹嘅日本Glamping豪華露營場地，透過我哋預訂仲有特別折扣，真係唔好錯失呀! 了解詳情，請按此!
露營車
去日本有自駕開嘅朋友，如果想體驗去到邊露到邊嘅日本露營，不妨可以考慮露營車露營。近期IG，You Tube都有唔少日本Campers分享自己開住露營車，穿州過省露營得意經歷，睇到小編心郁郁！
露營車最好嘅地方，就係將露營+酒店加+汽車結合嘅旅利方式，一個價錢就可以玩晒同時間去到唔同嘅地方，但相對適合有駕駛經驗嘅朋友。HKCAMP小編亦有到過當地親身體驗日本露營車，可以睇返影片介紹露營車真係設備完善，而且價錢唔貴大概只需要$2000一晚，可以提4-6人使用。
綜合過往大家對日本露營車嘅疑問，我哋有一一分析: 1. 必須要有國際車牌外，係咪需要持有香港貨車牌？ 建議: 沒有規定必須要有貨車牌照，就影片內的露營車只需要擁有香港1號牌就可以。注意租車公司不同要求亦不同，訂車時記得向租車公司查詢。
2. 係咪所有露營車，都擁有廁所給淋浴設備？ 建議: 唔一定，日本好多露車備沒有設廁所及淋浴間。訂車前記得了解清楚車型，有廁所會方便好多。
2. 對於露營車可泊嘅地方？
建議: 日本並唔係所有地方都可以泊露營車，所以出發前一定要做足功課，可到呢個網站睇睇https://www.kurumatabi.com/
而露營車係日本都非常盛行，本土出產嘅露營車一般體積較細，好處係方便遊走於日本狹窄嘅街道，好似京都馬路較窄，呢類迷你露營車就岩哂! 不過壞處係車內無設廁所淋浴間，如果人有三急就極唔方便啦!
豪華露營車嘅推出優化大家整個露營體驗，車內除咗有齊廚房、爐具、微波爐、雪櫃、暖氣呢類基本配置外，仲非常貼心設有獨立洗手間淋浴間，以及地熱! 即使車外落緊雪，車內及地板都暖笠笠!
豪華露營車車內空間感十足，入住4-5個大人都非常闊落，岩哂一家幾口一齊出發! 如果平時玩開自駕嘅朋友，租借一架露營車就可以省卻酒店及租車費用，真係一個又可以鏗錢又可以有獨特體驗嘅選擇!
有興趣嘅朋友，請按此參考小編之前係日本豪華露營車體驗嘅分享!
露營車路線分享，請按此!
了解自己預算
日本有好多野外營地都係免費嘅，當然附有設施嘅營地就會按人數或者按帳篷數目收費. 一般小型露營場價錢較相宜，收費從最低每人400 日圓起跳，而最高可以去到每人 3,000 日圓.
多數野外營地會出售或出租基本用品，例如營帳、地墊、燒烤爐、gas爐、打火機、煮食用具及食物等，不過以防萬一及基於衛生問題，建議大家可以自備帳篷、睡袋. 大家預算洗費時，記得加埋租借費用啦!
如果無興趣訓係野外嘅話，Glamping豪華露營係好選擇! 多數豪華露營場地設施完善，有部份更設有桑拿、風呂或私人風呂，私癮度極高! 租住小屋、小木屋、蒙古包 (波希米亞風帳篷)、平房，價錢大約每人每晚 幾千到 幾萬日圓不等. 有部份豪華露營場地更會有淡季優惠，如果Budget許可，建議一定要試!
無論去野外露營場地抑或Glamping豪華露營場地，如果唔自駕前往營地嘅話，想貼地啲可以乘坐公共交通工具，不過可選搭嘅交通工具比較少，所以如果計劃利用公共交通工具，建議大家預先規劃路線及查詢相關資料.
選擇露營車嘅話，租一部露營車已經包含租車費及住宿費，所以除開人數係抵嘅! 價錢因應露營車新舊及設施而有所不同，一般大約每日2千多不等! 而且日本油費唔貴，係一個唔錯選擇! 不過需要注意，日本高速公路收費較貴，想鏗多啲就記得睇清楚指示，唔好行高速公路啦!
其實露營旅行洗費豐儉由人，無論大家預算幾多，只要計劃好都可以搵到滿足大家想係日本露營嘅小希望!
**以上圖片及資料來源: JNTO
** 以後關於露營圖片及分享，記得打Hash Tag #HKHKCAMP
*想睇我哋日本Trip發現咗咩正嘢, 好物, 靚營地? 快d㩒入HKCAMP YouTube Channel及相關Post睇重溫啦!YouTube更多日本營地推介按此
開季啦! 一文睇哂！2023香港私人露營場地總覽｜內付地圖比你慢慢睇~ 請按此!
露營想拍下開心回憶, 一部全方位又輕巧嘅相機一定要有!