露營知多啲?RV係咩?露營三個大分類

已更新:8月5日

又到露營百科時侯啦!如果你係啱啱接觸露營嘅新手,想了解多啲,就要花少少時間睇睇啦,今日小編要大家一齊分享討論一吓,露營三大分類~外國又有咩分別呢?


聽到露營一定就係諗到係大草地開帳篷,瞓一晚同野炊啦!Camp其實又可以代表好多唔同嘅意思,同你傾傾露營三大類別: Camping、Glamping、Recreational Vehicle,新手須知。


 

CAMP可以好廣泛唔一定係露營


其實Camp呢個字有好多唔同意思,就好似香港宿營咁,我哋都會叫入camp,大學又會有ocamp,所以有人話去Camp都未必一定係露營,話去Camping就會係露營嘅意思,而揸車去露營嘅朋友就會話去Car camping,之後唔好再攪錯啦。


而Camping就係代表有齊露營裝備(camping gear),其實就係帳篷、睡袋、電筒、煮食用具等,在戶外過夜,咁就係真正露營。



 

Glamping豪華露營


Glamping係近幾年大熱名詞,呢個字其實係由glamorous + camping組成,大家對佢都唔陌生啦,有齊冷暖氣、 高床軟枕、洗手間等設備,可直接入住就係豪華露營,係露營嘅高級版本, 有人幫你搞掂晒唔使自己嚟,輕輕鬆鬆住返晚享受戶外露營樂趣。



 

RV到底係咩?其實就係Recreational Vehicle露營車


露營車係香港暫時未有得玩, 因為涉及汽車改裝運輸署未能批準,但係外國, 好似近近哋嘅台灣、日本已經係屬於好基本嘅露營選擇,揸住佢周圍去周圍住。


而大架小小嘅露營車入面有齊房間、浴室、洗手間及廚房,大家第日去旅行可以試吓呢個 露營車旅行方式,RV會更自遊。



 

今次傾住咁多先啦!下次露營百科再見啦~



*相片來源:HKCAMP & pexels

**以後關於露營圖片及分享,記得打Hash Tag(#HKHKCAMP