天氣涼涼地又想去露營？ 如果正搵緊新場地試玩嘅朋友就要留意啦！今次小編介紹嘅營地，除咗環境非常舒適，設施應有盡有外，場地更有創新概念。
有冇唸過露營竟然可以射箭、仲可以嚟一次地質探索之旅？私隱度高，感覺就如置身於日本露營場一樣， 仲係歡迎寵物入場，講緊嘅係位於上水嘅《天行者・雙魚小丘》營地！
今個聖誕節及新年，就帶埋一家大細同毛孩一齊口嚟露營啦！營位預約:whastapp 6226 2626
露營同時支持保育！營地收益將作香港天行者慈善基金營運用途
眼利嘅營友相信都會發覺小編之前都有介紹過《雙魚・小丘》營地。 相隔兩年，小編再次到訪， 場內設施依然非常齊備， 而且更發展出全新概念。
場內除咗露營， 更加可以體驗射箭，啱哂鍾意戶外活動同嘗試新玩兒嘅朋友。 而收益將會撥作香港天行者慈善基金作營運用途， 露營同時支持慈善保育活動，非常有意義！
場地除咗有靚靚草地比大家Chill一Chill外， 更設有全新射箭場、地史纜車、婚禮場地等等⋯⋯ 一年四季去《雙魚・小丘》都可以感受到唔同嘅戶外活動。
場地約60,000尺
舒適猶如置身日本嘅感覺
星級營地・設備齊全・屬少數高質場地
露營最緊要就係搵一片靚嘅草地！場地提供高私隱度嘅大草地，周圍冇高樓大廈包圍，大家可以喺靜謐嘅戶外環境露營，享受大自然同陽光。
唔想帶裝備嘅話，場地可以租借 Snow Peak 帳篷。體團或包場都可以提供Snow Peak 帳篷租借，非常方便！
場地設施齊全不在話下，有共享空間、多用途娛樂室、獨立雪櫃租借、冷暖風機租借等等，貼心程度Up!
露營要有空間感，所以場地貼心安排每日只會接受 12-14 個單位預訂，即係每日最多只有14 組帳篷，大家有多啲空間之餘，亦大大提升私隱度，真係非常周到！
場地歡迎寵物入場， 主子們都可以係靚靚草地上放電，主人們小心看管好毛孩就玩得開心又放心啦！
場內重視綠色建設，由園丁悉心種植不同品種松樹及花草，望見都心情舒暢！
場內提供Snow Peak帳篷租借，帳篷都唔使帶，正！
不得不讚，營地內洗手間及浴室數量非常充足，比例比其他露營場地更高， 沖涼就吾洗等了又等啦！
全新概念射箭場，體驗從未有過嘅刺激感
有冇諗過喺營地可以隨時隨地玩射箭？ 呢個咁新嘅概念係《雙魚・小丘》發生咗啦！
場地提供十多個箭靶同弓箭，更有專為晚上而設嘅夜光箭，而且收費貼地，收益亦都會撥給天行者慈善基金。露營嘅朋友可以試試射箭嘅樂趣，又可以做慈善。即使唔露營，大家都可以隨時隨地一年四季入嚟試玩。
以後想射箭，都可以隨時過嚟《雙魚・小丘》啦！
香港露營場設有射箭場，適合初學者
小編新手試玩
弓箭設備完善，隨時一年四季都可以玩
射箭刺激又有成功感， 喺一個唔錯嘅親子活動。
大小朋友至愛・地史纜車！
大家知唔知，營地竟然有真實纜車？
主角《地史纜車》2021年退役後，就擺放喺《雙魚・小丘》。懷舊外表內又喺另一個面貌，無論大人或小朋友都可以喺《地史纜車》內全面探索不同化石及觀賞不同石頭展示。
纜車除咗係靚靚打卡位外，仲喺地質探索站。如果大家想了解地球科學，可以預約免費導賞，絕對唔可以錯過！
了解更多《地史纜車》記得留意佢哋Facebook
退役纜車
仍然保留車廂內嘅面貌
化石展品非常珍貴
預約免費導賞團，了解地球科學
服務多元化 設有草地結禮場地
另一個亮點，一定喺令人Bling Bling眼嘅婚禮場地！唔少人鍾意喺戶外證婚或者舉辦婚禮，而《雙魚・小丘》正正擁有一個顏值高企嘅婚禮及宴會場地。而最重要喺，場地屬於合法嘅康樂用地，新人完全唔使擔心違規問題。
整個婚禮場地裝飾好有心思，感覺身處海外婚禮一樣。如果大家想搵戶外場地證婚或舉行婚禮，又多個選擇啦！
喺度唔好話證婚，打個卡都已經好靚
婚禮場地能容納多人，新人們記得查詢一下啦。
發揮不同可能性 香港難得嘅多元化露營場地
露營以外原來可以發揮無限可能。《雙魚・小丘》擁有一大片靚草地，比熱愛露營嘅朋友盡情放空， 仲歡迎寵物入場。更有射箭場、 體驗地質文化嘅《地史纜車》、 婚宴場地，係香港難得嘅多元化露營場地。
大家嚟露營之外，亦可以感受不一樣嘅體驗，無論係一家大細、一班朋友定帶埋毛孩，都可以好好享受戶外環境，絕對喺優質嘅星級露營場地。
而且《雙魚小丘》露營及射箭收益，亦會撥給天行者慈善基金，露營同時支持慈善，十分有意思！有興趣嘅朋友， 記要快啲預約營位啦！
雙魚小丘
地址： 古洞金錢南路140號
露營及導賞團預約: whastapp 6226 2626
*關於香港天行者慈善基金（簡稱“天行者”），是根據香港法例而成立的非牟利慈善團體，並得到香港政府公司註冊處審批及核准。所有向天行者的捐款，皆可獲免繳交有關稅務。
天行者專注關懷貧困山區的扶貧、助學、敬老工作，幫助山區的貧困學生繼續學業，敢於夢想。我們定期探望山區的老人，關懷送暖。每年夏天，天行者組織全國各地及海外青少年參加天行者青少年領袖夏令營，培養青少年的領袖風範和公民意識。
關於香港天行者慈善基金Facebook
Comments