見到「營」人必去系列就知小編又去咗爆正營地觀摩觀摩啦! 一直以黎好多謝各谷友營友報料, 推介唔同露營場地, 如果大家有露營場地想分享, 歡迎大家Inbox話比小編知呀!
唔經唔覺「營」人必去系列已經黎到EP 25! 小編到訪過唔同特色嘅露營場地. 今次好高興可以黎到上水雙魚河長瀝村, 分享一個充滿夏威夷風味, 又超多心思打卡位嘅露營場《Aqualand Camping》! 如果想一次過睇晒香港有咩露營場記得按此，睇哂香港露營場地總覽。
場地遠離繁囂 ・車可泊在營位
《Aqualand Camping》營地佔地四萬多尺, 一入去就會見到充滿渡假風嘅棕櫚樹. 附近遠離民居, 被群山包圍, 私癮度極高! 係咁寧靜舒服嘅環境下, 飲住咖啡享受一個夏威夷風主題嘅Camping day係咪爽呢，另特點就係可以汽車露營，車可以直接泊喺認為旁邊，適合重裝嘅朋友。
營地位於上水雙魚長瀝村, 駕車或Call車嘅朋友跟住Google Map, 留意沿路《Aqualand Camping》藍白色指示牌就到達。小編當日從沙田出發到營地, 車程大約25分鐘! 亦可在上水站乘搭57K專線小巴 (寫住唐公嶺總站), 到長瀝村總站迴旋處落車, 步行8分鐘可到達營地。
想露營, 但唔想帶營帳? 無有怕, 場地提供營帳及露營枱椅租借服務, 非常方便!
設備齊全 設營具及後備電租借服務
場內設施齊全, 洗手間及淋浴間清潔整齊! 共享空間內設有多個雪櫃比入場人士儲放食物! 仲有調味料比大家使用.
而最令小編驚喜係, 共享空間設有電源租借服務, 大家如果唔記得帶後備電都可以係度租, 真係相當貼心呀!怕悶嘅朋友仲可以係共享空間玩卡game或者其他棋類遊戲!
多個重點打卡位 少女心UpUp
整個場地都以夏威夷風格為主題, 共享空間設置咗多個靚靚打卡位! 大家黎到一定唔可以錯過!
小編最鍾意呢張吊椅, 約埋閏蜜黎露營, 打埋卡岩哂!
小編總結:
《Aqualand Camping》營地行夏威夷休閒風格, 場內有多個少女心爆發嘅打卡位, 睇得出營地主人建設營地時花咗唔小心思. 整體感覺同小編之前到訪其中一個日本私營營地非常相似. 而入到營地之後, 因為遠離民居, 感覺非常寧靜舒服, 非常適合好靜嘅朋友.
營地大細都非常適合包場活動. 想試試新營地嘅朋友, 就要早啲Book啦!
有興趣朋友, 預訂請按此
Text: Ellen@hkcamp
Photo: Add@hkcamp
Movie: Sky@hkcamp
**以上圖片及資料來源: HKCAMP香港人露營分享谷
**以後關於露營圖片及分享，記得打Hash Tag（#HKHKCAMP）
相關資訊: